Japón sucursalpi ñucanchi publicaciongunata imprimishpa ayudajushca huatacunaca cai 2022​pimica 50 huatacunami pactarijushca.

1950 y 1960 huatacunapimi Japón llactapi huauquipanicuna cushijushpa villachishcamanda y 70 misionerocuna ayudashcamanda achica publicadorcuna mirarca. Japonés shimipi publicaciongunata ashtahuan minishtijushcamandami Japón sucursalpi La Atalaya y ¡Despertad! revistacunata imprimichun dicidirca.

Octubre de 1969​pimi “Paz en la Tierra” nishca Asamblea Internacional Tokio llactapi tiarca. Nathan Knorr huauquica Numazu llactapimi mushuj sucursalta rurashun nishpa villarca. Chaipimi imprimingapaj canga nirca.

Enero de 1972​pimi sucursaltaca rurai callarirca y chai huatapillatami 15 de agostotaca publicaciongunata imprimingapaj, sirangapaj, fitingapaj minishtirishca maquinatacunata sucursalman apamurca. 8 de octubre de 1972​pimi japonés shimipica primera vez ¡Despertad! revistata imprimirca. Imprimishpa ayudashca shuj huauquica cashnami nin: “Imprimishca revistacunata cachangapaj listo cashcata ricushpaca cushijuimandami huacanayarca”.

1982​pimi sucursalca Ebina llactaman yalirca. Numazu sucursalta yalimi Ebinapi sucursalca ashtahuan jatun jatun carca. Chaipica imprimingapaj offset nishca maquinacunata shinallata jaicata encuadernangapaj maquinacunapashmi tiarca. La Atalaya y ¡Despertad! revistacunata imprimishpapash shuj publicaciongunatapashmi 200 shimicunapi imprimishpa callarirca. Shinallata Traducción del Nuevo Mundo de las Santas Escrituras Bibliatapashmi imprimi callarirca.

Cunanbica Japón llactapica cada quillami 13 millones 200 mil Villajun, Rijcharipaichi revistacunata imprimin. 2013 huatamandapachami 20 millones yali Bibliacunata 100 shimicunapi imprimishca. Chai imprimishca Bibliacunataca 50 yali llactacunamanmi cachashca.

1972​pica Japón llactapica 13 mil publicadorcunami tiarca. Pero cunanga 213 mil publicadorcunami tian. Publicaciongunata imprimishpaca mundo enteromanda huauquipanicuna Diospa Gobiernota apoyachunmi ayudashca (Mateo 28:19, 20).