7 de Febrero de 2021 huatapimi, Traducción del Nuevo Mundo de las Escrituras Griegas Cristianas Bibliaca Kisi shimipi llujshishca. Escrituras Griegas Cristianas Bibliata traducingapaca shuj huata chaupitami Bibliata traducij huauquipanicunaca pararca.

Liberia llactapa Comité de Sucursalpi sirvij Joseph Mensah huauquica shuj grabashca videopimi Kisi shimipi Biblia llujshishcataca villarca.

Sucursal de Europa Central mandami Bibliacunataca Guinea, Liberia, Sierra Leona llactacunamanga cacharca. COVID-19 unguimanda aliguta cuidarishpami Kisi shimita parlaj 1,200 huauquipanicunamanga Bibliataca entregarca.

Bibliata traducishpa ayudaj shuj huauqui cashnami nirca: “Kisi shimita parlaj huauquipanicunaca Biblia intindirinalla cashcata ricushpami ninanda cushijunga”.Cai Bibliami Kisi shimita parlaj huauquipanicunataca Bibliataca ali intindichun Jehová Diostapash ashtahuan juyachun ayudanga. Shuj traductor huauquipashmi cashna nirca: “Cai Bibliataca Jehová Diosmi ñucaman, kisi shimita parlaj huauquipanicunamanbash juyaihuan carashca can”.

Kisi shimipi llujshishca Bibliaca ñucanchi huauquipanicuna Diospa shimita ashtahuan pajtachicuna cachunmi ayudanga (Santiago 1:22).