5 de junio de 2022​tami iban nishca idiomapi Traducción del Nuevo Mundo de las Escrituras Griegas Cristianasca llujshirca nishpa villarca. Cai programata ricungapaca ashtaca huauquipanicunami Salón del Reinocunapi tandanajurca. Cutin huaquingunaca internetpi conectarishpami ricunajurca. Iban nishca idiomapi mushuj traducishca Bibliaca cai huata 2022​pi, julio o agosto quillapimi imprimiringa.

Iban nishca idiomata parlaj gentecunaca shuj shuj diferente pushtucunapi causaimandami chai idiomatallata gentecunaca diferenteta parlan. Chaimandami iban nishca idiomaman Bibliata traducijcunaca huaquin jarcaicunata charirca. Shinapash traductorcuna iban idiomapi Bibliata ali traducichun y gulpi gentecunallata traducishca Bibliaguta intindichunga, chai idiomata parlaj diferente pushtucunapi causaj huauquipanicunapa ayudatami chasquirca.

Cai mushuj traduccionhuanga Bibliapa cabal yachachishcacunataca alimi gentecunamanga villachita usharinga. Porque por ejemplo pundaca Juan 4:24​ta gentecunaman explicanaca dificilmi carian. Chai textopica cashnami nin: “Taita Diosta adorajcunaca, Taita Diospa espíritu santo ayudachun saquishpa y Taita Diosmanda cabal yachachishcacunata chasquishpami adorana can nijun. Cai textotaca iban nishca idiomapi traducishca Bibliacunapica mal traducishcami can. Porque chai Bibliacunapica espíritu nishcataca huañushcacunapa espíritu nishpami traducishca can. Chaimandami Taita Diosmanda yachajungapaj munaj gentecunaca chai textota na ali intindita ushashpa Taita Diosta imasha adoranata o sirvinataca na yachan carca.

Cai idiomapi Bibliata traducina alipacha cashcata parlashpami shuj traductorca cashna nirca: “Ñucanchi propio idiomapi Traducción del Nuevo Mundo de las Escrituras Griegas Cristianasta charinaca, Jehová Dios tucui laya gentegucunata ninandapacha juyashcatami ricuchin nirca.

Jehová Diostaca iban nishca idiomapi parlaj tucuilla gentegucunata cai mushuj traducishca Bibliaguhuan paimanda ali yachajushpa, paipaman ashtahuan quimirichun y paipa shutigutapash alabachun ayudapangui nishpami mañapanchi (Salmo 117:1).