Enero y julio de 2022​pica México llactapica 5 Oficinas Remotas de Traduccionmi ña pascarirca. Chai oficinacunataca chol, otomí, purépecha, tsotsil y zapoteco shimicunapi traducingapami can. Cai shimicunata parlaj gentecunapurapi causanami traductorcunataca ashtahuan ayudanga. México llactapa sucursalpica ñami 25 Oficina de Traduccionguna tian. Shinallata ñallami cai quillacunapica 8 Oficinacuna pascaringa y 34 oficinacunataca ñami rurai callarinajun.

Traductorcunapaca paicuna traduci shimicunata parlaj gentecunapa ladopi causanaca alipachami can. Sucursalpi ashtaca huatacunata tsotsil shimipi traducishpa ayudashca panigu Marcela Hernandezca cashnami nin: “Traduccionbi ayudashpa trabajaurasca ñuca traducción intindingapaj na fácil cashcatami cuenta japircani. Pero cunanga tsotsil shimita paipaj huauquipanicuna imashna parlajta, villachijta uyanami, paicuna imashna rimanshnallata traducichun ayudahuashca”.

Aunque oficinacuna uchillagu cajpipash oficina huasigucuna limpio cajta ricushpami gentecunaca juyalagu cajta ricun. Chaimi fotocunatapash llujchin. Shuj Oficina de Traduccionba ñaupapimi shuj tienda huasigu tian. Tiendamanda dueña oficinapi imacunatalla rurajta yachaj chayashpaca cashnami nirca: “Ñuca tiendaca Taita Diosta alabangapaj huasi ñaupapimi can”. Chai tiendamanda dueñaca paipa tienda huasitaca ashtahuan limpiota charingapaj esforzarin.

Oficinas Remotas de traduccionda rurangapaj esforzarijujta ricushpa Jehová Dios bendiciajushcataca seguromi capanchi. Ashtahuan aliguta traducingapaj oficina de traducciongunata charimandaca ninandami agradicipanchi (Salmo 127:1).