1 de octubre de 2023​pi, Chuuk (Micronesia) llactapi, shuj especial tandanajuipimi Micronesia llactapa Comité de Sucursalmanda huauqui Carlito Dela Cruzca Traducción del Nuevo Mundo de las Escrituras Griegas Cristianas Bibliami chuukés idiomapi llujshishca nirca. Caipica 83 personacunami tandanajurca. Ashtahuanbash, 435 gentecunami cai tandanajuitaca Internetman conectarishpa ricurca. Paicunaca Guam y Estados Unidos llactacunapi chuukés idiomapi tiashca congregaciongunamanda grupocunamandami carca. Chai ratomi chai Bibliataca Internetmanda descargai usharirca. Shinapash Bibliapachaca enero de 2024​pimi llujshinga.

Gentecunaca chuukés idiomataca Chuuk islacunapimi ashtahuanga parlan. Cai islaca océano Pacificopimi can. Estados Federados de Micronesia llactamanmi pertenicin. Huata 1978​pimi testigo de Jehovacunaca chuukés idiomapi publicaciongunata traduci callarirca. Cunanbica Chuuk islacunapica ishcai congregacionguna, Guam llactapica shuj congregación, Estados Unidospipash shuj congregación, 3 grupocuna y shuj pregrupomi chuukés idiomapica tian. Totalca 180 testigo de Jehovacunami cai idiomapica predican.

Chuukés idiomapica shuj Bibliacunapashmi tian. Shinapash mayoria Bibliacunapica Diospa shuti Jehovaca na tianllu. Cutin Traducción del Nuevo Mundo de las Escrituras Griegas Cristianas Bibliapica, Diospa shuti tiajuna pushtupimi tiajun. Huauqui Dela Cruzca cashnami nirca: “Cai Biblia chuukés idiomata parlaj ashtaca gentecuna Taita Diospa shutita yachajuchun, paiman quimirichun ayudanatami seguro canchi” nirca.

Traducción del Nuevo Mundo de las Escrituras Griegas Cristianas Biblia chuukés idiomapi llujshishcamandaca ninandami cushijunchi. Cai Bibliahuanmi ‘para siempre causaita cuj yachachishcacunata shungupi chasquina munaita charijcunaca’ Jehová Diosta rijsi ushanga (Hechos 13:48).