30 de abril de 2023 huatapimi Traducción del Nuevo Mundo de las Escrituras Griegas Cristianas gitonga shimipi llujshishcatami Maxixe llactapi shuj reunión especialpi villarca (provincia de Inhambane, Mozambique). Mozambique llactapi Comité de Sucursalpi sirvij Wayne Wridgway huauquica cai reunión especialman shamushca 920 gentecunamanga Traducción del Nuevo Mundo de las Escrituras Griegas Cristianas Biblia llujshishcata villaparca. Cai reunión especialman shamushca gentecunaca ña imprimishca Bibliatami chasquiparca. Ashtahuanbash formato digitalpipashmi descargaita ushaparca.

Inhambane llactapimi gitonga idiomataca parlan. Chaipi causajcunataca paicuna ali ali cashcamanda y mingachinatapash ninanda gushtan cashcamandami rijsi tucushca can. Cai llactapa ladollapi causaj 327​mil gentecunaca huahuamandapachami cai idiomata parlashpa viñashca. Ashtahuanbachaca Homoíne, Jangamo, Maxixe y Morrumbene llactacunapimi cai idiomataca parlan.

Testigos de Jehovacunapaca gitonga idiomata parlan cashcamandami cai idiomapi tiashca Bibliata intindinaca fácil carca. Pero cai Biblia ashtahuan fácil intindirinalla traducishca caimandami, ñucanchi huauquipanicunaca bibliapi imatapacha yachachijushcata ashtahuan clarito intindita ushashca. Chaimandami huauquipanicunaca ninan cushillapacha can. Shuj traductorca nircami: “Shuj taitaca paipa huahuagutaca fácil intindinalla y juyailla shimicunahuanmi parlan. Shinallatami gitonga idiomata parlaj gentecunaca cai traducishca bibliata liishpaca huauquipanicunaca fácil liita y intindita ushapanga”.

Gitonga idiomapi Biblia llujshishcata huauqui Wayne Wridgway villajushpaca cashnami nirca: “Jehová Diospa amigo cangapaca na solo paita mañaitallaca mañanachu capanchi. Bibliatami cada punlla liina capanchi. Traducción del Nuevo Mundo de las Escrituras Griegas Cristianas Bibliata cada punlla tucuicunallata uchalla liichunmi animapanchi”.

Ñucanchi huauquipanicuna cai bibliata chari ushashcamandaca ninandami cushijupanchi. Shinallata gitonga idiomapi predicacionda bendiciachunmi Jehová Diostaca mañapanchi (Romanos 12:15).