29 de octubre de 2023​pica, Mozambique llactapa Comité de Sucursalmanda huauqui Marcelo Santosmi La Biblia: Las Buenas Noticias según Mateo Bibliami chopi idiomapi llujshishca nirca. Cai especial tandanajuica Quissico (Mozambique) llactapimi carca. Cai tandanajuimanda 460 gentecunami tandanajurca. Tucui paicunami cai Bibliata chasquirca. Shinallata chai Bibliata, chai Bibliapa grabaciondami descargari usharca.

Millón yali gentecunami chopi idiomataca parlan. Paicunamanda mayoriaca Mozambique llactapa ura ladopimi causan. 332 yali huauquipanicunami chopi idiomata parlaj 7 congregaciongunapi, 5 grupocunapi sirvin. Chopi idiomapica shuj Bibliacunapashmi tian. Shinapash maijan Bibliapipash Taita Diospa shuti Jehovaca na ricurinllu. Ashtahuanbash Bibliacunaca valishcami can. Na intindirinalla shimicunatapash charin.

Chopi shimita parlaj huauquipanicunamandaca ninandami cushijunchi. Shinallata, cai mushuj Biblia ashtaca gentecuna frescolla yacuguta ufianshna Taita Diospa shimita ali yachajuchun Jehová Diosta mañanchi (Isaías 55:1).