27 de junio de 2021 punllataca Mozambique llactamanda Comité de Sucursalpi sirvij Adão Costa shuti huauquimi, nyungwe shimipi Traducción del Nuevo Mundo de las Escrituras Griegas Cristianas llujshishcata villarca. Shuj grabashca programapimi, cai Bibliaca aparatocunapi utilizangapaj ña llujshishcata villarca. Cai programataca 2 mil 600 yali publicadorcunami ricurca. Ashtahuangarin cai programataca chai llactamanda televisionba shuj canalpi, radiopa huaquin emisoracunapipashmi yalichirca.

• Mozambique llactamanda noroeste partepi, Tete shuti provinciapimi nyungwe shimita ashtahuanbachaca parlan

• Más o menos 400 mil gentecunami nyungwe shimitaca parlan

• Cai Bibliata traducingapaca, 6 traductorcunami ishcai huatacunata trabajarca

Adão Costa huauquica ninmi: “Nyungwe shimipica, ashtaca huatacunatami Bibliaca na tiarca. Chaimandami nyungwe shimita parlaj huauquipanicunaca, Chichewa shimipi Bibliata utilizana carca. Chichewa shimipi ashtaca shimicunata, yuyaicunataca nyungwe shimita parlaj gentecunaca pandatami intindinata yachan. Chaimandami chai shimipi Bibliata utilizanaca shinlli carca” nishpa.

Cai Biblia nara llujshijpillata, chai equipomanda shuj traductorca nircami: “Publicadorcuna cai Bibliata chasquishpaca, cushijuimandami saltanajunga. Paicunapaca na crinalla, Jehovamanda shuj milagromi canga. Paicunaca Jehová Diostami tucui shunguhuan pagui ninajupanga” nishpa.

Ali shunguta charij ashtaca ashtaca gentecuna cai Bibliapa ali villaigucunamanda beneficiarichunmi mañanajupanchi (Apocalipsis 22:17).