Noruega llactamanda Gobiernoca ñucanchi obratami chai llactapica prohibingapaj munarca. Chaimandami ñucanchica Tribunal de Distrito de Oslo nishca juzgadotaca ama prohibichun jarcapai nishpa shuj solicitudta cacharcanchi. Y chai Tribunalca 30 de diciembre de 2022​tami ñucanchi solicitudtaca aceptashpa ayudarca. Ayudachun chai solicitudta cachanaca minishtirishcami carca. Porque Oslo y Viken shuti llactacunamanda gobernadoraca ñucanchi obrata prohibinatami decidishcarca. Shinapash ñucanchi obrata ama prohibichunmi Tribunal de Distrito de Oslo juzgadoca shuj ordenda llujchirca. Chai ordenda llujchishcamandami tribunalcuna ñucanchi situacionda ali ricungacaman Jehová Diosta sirvishpa catita ushapanchi. Pero Ministerio de Infancia y Familia nishca organizacionga ñucanchita ayudangapaj cai juzgado shuj ordenda llujchishcamandaca na de acuerdochu can.

Tribunal de distrito llujchishca ordenga ninandami ayudashca. Ñalla cazaragrinajuj huauquipanicunatapashmi ayudashca. Noruega llactapica religionda catij shuj persona cazarangapaj munashpaca chai persona catijuj religionga legalmente registrashcami cana can. Chaimandami chai llactamanda Gobierno testigo de Jehovacunapa obrata prohibijujpica ñalla cazaragrinajuj huauquipanicunaca paicunapa cazamientotaca ñana registrai ushana carca. Shinapash tribunal de distrito llujchishca ordenmandami cazarangapaj munaj huauquipanicunaca shuj Salón del Reinopi cazaraita ushan. Y shuj testigo de Jehovallata discursotaca cuita ushan.

André Bjørnstad huauqui y Yasmin de Andrade Montelo panica cazarangapami munanajurca. Shinapash Gobierno ñucanchi obrata prohibingapaj munajpimi paicunaca na cazarai ushagrinajurca. 28 de diciembre de 2022​ta cachashca solicitudpica cai huauqui y pani nishca shimicunatapashmi escribishpa cacharca. Huauquica imamanda paicunata shuj testigo de Jehová cazarachichun munashcatami parlan. Huauquica cashnami nirca: “Taita Diospi crina y chai crishcacunata difindinaca ashtaca gentecunapami importantepacha can. Chaimi ñucanchi crishcacunata na respetajpica ñucanchi personata na respetajujta sintinchi” nircami.

Noruega llactapi testigo de Jehovacunapa obrata prohibinata nara decidishpallatami chai llactamanda gobiernoca chai llactapi testigo de Jehovacuna chasquinajujshca ayudacunata ñana cushpa catinata nishcarca. Cai ayudacunataca por derechomi testigo de Jehovacunaca 30 huatacunata yalita ña chasquinajushcarca. Chai llactapa Gobiernoca 700 yali registrashca religiongunamanmi chai ayudacunataca cujushca. Pero testigo de Jehovacunaman ñana cungapaj munashcamandami 21 de diciembre de 2022​taca testigo de Jehovacunaca chai llactapa Gobiernotaca demandarca.

Noruega llactamanda Gobiernoca testigo de Jehovacunapa crishcacunatami na alicachishpa ricun. Por ejemplo expulsanamanda parlashpami Oslo y Viken shuti llactacunamanda gobernadoraca cangunapa obrata ama prohibichun munashpaca chai ruraicunata saquinami canguichi nishpa nirca. Pero paicunaca testigo de Jehovacunamanda na ali yachashpallatami shina rurachun mañanajun. Ashtahuanbash tribunalcunapipash ñucanchi casotaca na ricushcachu.

Gobernadoraca testigo de Jehovacunaca na shuj legal religionllu can ninaca gentecuna libremente Diospi crinahuanga na igual canllu ninmi. Shinapash Tribunal Europeo de Derechos Humanos nishcaca testigo de Jehovacunapa obrata prohibinaca gentecuna libremente Diospi crichun na saquijushcata y na respetajushcatami ricuchin nircami. a

Escandinavia llactapi Comité de Sucursalpi sirvij Jørgen Pedersen huauquica cashnami nin: “Noruega llactapica testigo de Jehovacunaca 130 yali huatacunatami Taita Diosta tranquilamente sirvishpa causanajushca. Ñucanchi charishca derechocunataca Constitución de Noruega y Convenio Europeo de Derechos Humanos nishca organizaciongunami difindin. Cai llactamanda juezcuna cangunata apoyashunmi nijpica cai llactamanda gentecunapashmi paicunapa derechocunata reclamaita ushanga y Diostapash librementemi adoraita ushanga” ninmi.