21 al 29 de octubre de 2023​pica, Belgrado llactapi (Serbiaca) shuj Feria Internacional Librocunamandami tiarca, edición 66 nishcamanga 190.000 personacunami rirca. Testigo de Jehovacunapash chai feriapica participarca. Chai feriapica Taita Diospa Shimi Biblia gentecunata imashina ayudajta yachachunmi participarca. 100 yali huauquicunami gentecunapa huaquin tapuicunata Bibliahuanmi cutichirca.

Shuj huarmica panigupaman quimirishpami Bibliamanda huaquin tapuicunata charini nishpa parlai callarirca. Cai huarmiguca cushijushcami carca, paipa tapuicunata cai panigu Bibliahuan ayudashcamanda. Chaimi shuj punlla cai huarmiguhuan parlashpa catingapami quidarca.

Shuj jovenga ¿Es la vida obra de un Creador? folletotami chasquirca. Cai jovenga Diospica crinimi, shinapash Bibliapi Diosmi tucuita rurashca nishpa yachachishcata crinaca shinllimi can nircami. Chai jovenbaca Taita Diosca 6 punllacunapilla tucuita rurashcata crinaca shinllimi carca. Testigo de Jehovacunaca jw.org paginata cai temamanda parlajujtami ricuchirca, chaimi cai jovenga chaita ricushpaca ninanda cushijurca.

Ishcai joven Lo que los jóvenes preguntan. Respuestas prácticas volúmenes 1 y 2 nishca librocunatami ninanda alicachirca. Cai librocunapi paicunapa importante temacunamanda parlajushcamandami alicachirca. Por ejemplo, ali amigocunata imashna tari ushanata, estudiopi ali richun imata ruranata, ciertopachachu juyani o pandarijunichu yachachishcamanda alicachirca. Shuj joven cuitsaguca: “Cai librocunaca alipachami can, ña liingapami munanchi nircami”.

Belgrado llactamanda huauquipanicuna cai feria libropi ayudashcamandaca ninandami agradicinchi. Jehová Diosca paipa shutita huauquipanicuna alabashcamanda bendicianataca seguromi canchi (Hebreos 13:15).