Testigo de Jehovacunaca ña 25 añostami internetpi shuj página oficialta charin. Noviembre de 1997​pi llujshishca Nuestro Ministerio del Reino hojapica “Internetpipashmi ali villaicunataca ricuita usharin” nishca tema llujshirca. Chai temapica watchtower.org shuti página Internetpi llujshishcatami villajurca. Chaipica cashnami nijurca: “Testigo de Jehovacunapa organizacionmi testigocuna imata crishcata y shinallata imata ruranajujtapash Internetpi churashca. Chai paginaca na solamente mushuj publicacionguna llujshishcata ricuchunllaca canllu. […] Sino que principalmente Bibliamanda llujshishca informacionda tucui gentecuna ricui ushachunmi can” nijurcami.

Chai punllamandapachami huaquin tratadocunata, folletocunata y La Atalaya y ¡Despertad! revistacunamanda temacunatapash Internetpi watchtower.org paginamandaca maijanbash descargaita ushanalla carca. Chai paginamanga 15 de enero de 1997​tami gulpi gentecuna ña yaicui ushanalla carca. Cutin ishcai huata jipa 1999​pica jw-media.org paginami internetpica tiai callarirca. Chai paginapica testigocuna imatapacha rurajta y asunto legalcunamanda parlaj informaciongunami tiarca. Chaipi informaciongunatami noticiacuna, periodicocuna, radiocunapash utilizai ushana carca.

Huata 2005​pimi jw.org paginaca llujshirca. Tiempo jipaca chai paginatami huaquin publicaciongunata y grabashca audiocunata descargangapaj utilizai callarirca.

Cutin agosto de 2012​pimi cai quimsandi paginacuna unirishpa mushuj jw.org página internetpica llujshirca. Diciembre de 2012​pi llujshishca Nuestro Ministerio del Reino hojapica cai mushuj jw.org paginamanda parlashpaca cashna nirca: “Mundo enteropi gentecunamandaca casi chaupi yalimi internetta utilizan. Chaimandami la mayoría pero principalmente jovenguna chai paginata utilizashpa imapash informacionda mascan. […] Cai mushuj jw.org paginaca caru carucunapi causaj gentecunapash ali villaigucunata uyachunmi ayudanga” nijurcami.

Internetpi jw.org paginapica ashtahuan publicaciongunami, ashtahuan idiomacunapi llujshi callarirca. Liingapaj temacunata, videocunata y grabashca audiocunatapashmi 411 idiomacunapi descarganalla carca. Más o menos 2019 huatapica jw.org paginapica 1.000 idiomacunapimi publicaciongunaca ña tiarca. Chai idiomacunapurapica 100 lengua de señaspashmi carca.

COVID-19 pandemia callarijpimi Salón del Reinoman rishpa reunirinataca suspendirca. Shinallata pandemia tiashcamandami publicaciongunata imprimishca huauquipanicunaman chayachinaca difícil tucurca. Chaimandami jw.org paginata ashtahuan utilizai callarirca. 7 de abril de 2020 huatapicarin Conmemoración o Jesús Huañushcata Yuyarina punllapica más de 7 millón gentecunami cai paginaman yaicushcarca. Chai huatallatami jw.org paginamanga más de mil millón gentecuna yaicushcarca. Shinami huata 2019​pi yalita chai paginamanga gentecunaca yaicushcarca. Porque huata 2019​pica 800 millón gentecunallami en totalca yaicushcarca. Pero enero de 2022​picarin cada punllami más o menos 3 millón yali chai paginamanga yaicushcarca.

Testigo de Jehovacunamanda parlajuj exacto información jw.org paginapi tiashcamandami, tauca gentecuna testigocunamanda pandata pensashcata cuenta japichun ayudashca. Por ejemplo Tenesha Gordon shuti huarmiguca cashnami nin: “Testigocuna picuna cashcata, imacunapilla crijta, imamanda shina crijta jw.org paginapi fácil ricuita ushaimandami, paicunamandaca pandata pensan cashcata cuenta japi usharcani” ninmi.

Tenesha shuti huarmiguca 2017​pimi bautizarirca y cunanbica Jamaica Betelpimi como voluntaria externa a tiempo completo sirvijun.

Huauqui Clive Martinga jw.org paginata ricuriajuj departamentopimi trabajan. Paica ninmi: “Internetpi jw.org paginata utilizashpa muyundi alpapi tucui tucui clase gentecunaman ali villaigucunata chayachichun Jehová Dios imasha ayudashcata ricushpaca ninandami cushijuni” ninmi.

Jw.org página tiachun saquishcamanda y chai paginahuan ashtahuan predicai ushachun ayudashcamanda y paipa organizacionba ruraicunahuan al día cachun ayudashcamandaca Jehovataca ashtacami agradicipanchi. Cai paginaca mundo enteropi huauquipanicunahuan ashtahuan unido cachunbashmi ayudashca. Tucui chai cosascunami ñucanchi Taita Jehová Diosta alaban (Salmo 145:1, 2).