7 de marzo de 2021 punllataca Sudáfrica llactapi kwangalí, sepulana, setsuana shimicunata parlaj publicadorcunaca shuj alipacha regalotami chasquirca. Cuerpo Gobernantepi sirvij Mark Sanderson shuti huauquimi, shuj grabashca discursopi kwangalí, sepulana shimicunapi Traducción del Nuevo Mundo de las Escrituras Griegas Cristianas o Mushuj Testamento llujshishcata villarca. Shinallata, setsuana shimipi Traducción del Nuevo Mundo revisashca Biblia llujshishcatapashmi villarca. Cai programataca, publicadorcuna Internetpi conectarishpami ricurca. Shinallata, aparatocunapi utilizangapaj Bibliacunaca ña descarganallami carca.

Cai Bibliata traducingapaca, shuj equipomi ishcai huatacunata trabajarca. Cai equipopica, shuj huauqui, ishcai panigucunami tiarca. Cunanga, cai shimita parlaj 240 yali publicadorcunaca, facillla liingapaj Bibliatami charin. Cai Bibliaca yachajungapaj, villachingapami paicunataca ayudanga.

Cai Bibliata traducingapaca, ishcai huauquicuna, chuscu panigucunami más o menos shuj huata chaupita trabajarca. Sudáfrica llactapica, 374 publicadorcunami sepulana shimitaca parlan.

Shuj traductorca nircami: “Ñucanchicuna villachijushpaca, sepedi shimipi Bibliatami utilizan carcanchi. Shinapash, ashtahuan yachangapaj munajcunaman shuj textota nara intindichishpallata, chai versomanda shuj o ishcai shimicunatami pundapica traducinara carcanchi. Cutin cai Bibliahuanga, maijanbash textota shuj viajetalla liijpica, tucuicuna imata nijushcataca ñapashmi intindin” nishpa.

Cai Bibliata revisangapaca, ishcai huauquicuna, chuscu panigucunami más o menos chuscu huatacunata trabajarca. 5 mil 600 yali publicadorcunami setsuana shimita parlaj congregaciongunapi, grupocunapi sirvin.

Setsuana shimipi Traducción del Nuevo Mundo Bibliamanda parlashpaca, shuj traductora paniguca nircami: “Cai Bibliahuanga, publicadorcunaca shinlli shimicunata intindichina cashcamandaca ñana preocuparinajunga. Chaipa randica, ashtahuan ali villachichun, yachachichunmi cai Bibliaca ayudanga. Shinallata, yachajungapapashmi alipacha capanga. Cai Bibliapi tablacuna, mapa nishca dibujocuna, fotocuna, shimicunata ashtahuan intindichingapaj glosario nishcacunapash, Bibliapi parlashcacuna imashinapacha cashcata yachachunmi publicadorcunataca ayudanga” nishpa.

Cai mushuj Bibliacunaca, Diosmanda yachachishcacunata aliguta yachajuchunmi ñucanchi huauquipanicunata, paicuna villachishca gentecunatapash ayudanga. Cunan punllacunapi Diospa Shimimanda yachajungapaj ashtaca ashtaca ayudacunata charishcamandami, tucui shunguhuan pagui nipanchi (Isaías 65:13).