3 de Abril de 2021​tami, Mambwe-Lungu shimipimi Traducción del Nuevo Mundo de las Escrituras Griegas Cristianas Bibliaca celurlapi, tabletpi llujshirca nishpa villarca. Zambia llactapa Comité de Sucursalpi sirvij Albert Musonda huauquimi, shuj grabashca videopi Biblia llujshishcataca villarca. Chai grabashca videotaca Internetta utilizashpami Zambia llactamanda, Tanzania llactamanda huauquipanicunaca ricuita usharca. Zambia llactapica 2.531 huauquipanicunami Mambwe-Lungu shimitaca parlan, shinallata Tanzania llactapica 325 huauquipanicunami chai shimitaca parlan, Tanzania llactamandacunataca Fipa nishpapashmi rijsin.

Bibliata traducij huauquipanicunaca shuj huata nueve quillacunapimi Bibliata traducitaca tucuchirca. Shuj traductor huauquica nircami: “Mambwe-Lungu Bibliata intindinaca ashtacacunapaca na fácil carcachu, porque punda parlaj shimicunatami chai Bibliaca charirca”. Cutin shuj traductorca cai mushuj Bibliamandaca cashnami nirca: “Ñucanchi Bibliaca cunanbi parlaj gentecunapa shimitallatami charin”.

Jehová Dios Mambwe-Lungu shimipi Bibliata charichun saquishcamandaca ashtaca gentecunami cai Bibliata liishpaca ninanda cushijunga (Salmos 1:2).