PARTI 9
¿Imayćha cay allpaca Edén jardincanú can’a?
Canan tiempo sasacunami camalayächinña, Diospa Gubiernun ćhämun’añam (Lucas 21:10, 11; 2 Timoteo 3:1-5)
Unaypiñam Bibliaćhu nila, canan tiempucunaćhu imaymana sasacuna pasananta. Nilatacmá wawi chulicunapis mana maman taytanta uyaliculcänanta. Ñatac, nunacunapis juyucama, illaycällapi lucuyäcuna, aychanpa munayllanta lulayalca
Chaypi nilatacmi: terremotucuna, guerracuna, micuy wanaycuna, imaymana ishyaycunapis cananta. Chaycuna pasaśhantam canan licayanchic
Jesús nilam, Diospa Gubiernunpi allin willacuynin enterun allpäman ćhänanta (Mateo 24:14)
Diospa Gubiernunmá camacalun’a juyucaycata (2 Pedro 3:13)
Jehová, juyucama nunacunata camaśhñamá chincachin’a
Satanaspis demuniuncunawan mućhüchishañam can’a
Diosta uyalicücunaca, cawsapacun’a enterun allpaćhu, cuyanacul, jawcacama mana tumpanacul. Chayćhü manañam mayanta manchacuypis can’achu, llapallampis jucllapiñam capäcun’a
Gustamanmanmi
LIBRUCUNA FOLLETUCUNA
¿Imam Diospa Gubiernun?
Jesús cay allpaćhu cayal licachilañam Diospa Gubiernun ima lulanantapis.
LIBRUCUNA FOLLETUCUNA
¿Imayćha ñacacuyca camacanman?
Bibliaca niyanmi Dios ćhinishanta juyu caycata, ñatac watucamaśhanchictapis. ¿Imanuypa amta yanapaśhunquiman chay yaćhayca?
