LECCIÓN 12
¿Imanuypaćh aśhuycuchwan Diosninchicman?
1. ¿Diosninchic uyalinchućh llapa nunap mañacuyninta?
Diosninchic munanmi nunacuna mañacuyninwan aśhuycunanta (Salmo 65:2). Manamá llapa nunacunap mañacuynintachu Diosninchic uyalin. Bibliäca niyanmi: casado umbrica walminwan mana allinpa cawsaptin’a manan Diosninchic uyalinchu mañacuyninta (1 Pedro 3:7). Israel malcantapis mañacuyninta manam uyalilachu juyu caycäta yapalcul yapalcul lulapäcuptin. Aśhwampa juchapacäläliptinpis wanacäläliptin’a uyalin’am mañacuyninta. Ashicuy Isaías 1:15 ñatac 55:7.
Licay cay videuta: ¿Escucha Dios todas las oraciones?
2. ¿Imanuypaćh mañacuchwan Jehovata?
Jehová Diostam mañacuśhun, ñatac payllacta adoränanchictam munan (Mateo 4:10; 6:9). Juchasapa nuna calmi Jehovata mañacuśhun. Jesuspa śhutinćhumi mañacuycäta camacäśhun, pay’a juchanchicpimá wañula (Juan 14:6). Jehová manam munanchu yapalcul yapalcul chayllacta limananchicta mañacuyninchicćhu. Aśhwampa munan lluy shun’unchicpi mañacunanchictam. Ashicuy Mateo 6:7 ñatac Filipenses 4:6, 7.
Diosninchic uyalimanchicmi śhun’ullanchicćhu mañacuptinchicpis (1 Samuel 1:12, 13). Pay’a munayanmi imay ürapis mañacunanchicta wälapapis, tardipapis, puñunanchicpäpis, micunanchicpäpis, ima llaquicuna ćhämaptinchicpis. Ashicuy Salmo 55:22 ñatac Mateo 15:36.
3. ¿Utunacuycaman imapïmi allin linanchic?
Canan’a cawsanchic vecinunchicwampis, familianchiccunawanpis, mana Jehovata lisicunawanmi. Chaymi burlaculcan, asiculcan paraisupita limapaptinchic, limaynincunam desanimämanchic Diosman aśhuycuyta munaptinchic (2 Timoteo 3:1, 4; 2 Pedro 3:3, 4, 13). Chaymi munanchic utunacuycaman lïta juc cristianucunawan, chayćhumi animanacuśhun llapanchicpipis. Ashicuy Hebreos 10:24, 25.
Diosta cuyä nunacunawan utunacul’a mastam Diosman chalapacuśhun. Jehovapa testiguncunap utunacuyninćhu yanapänacunchicmi, ejemplunchiccunawan Diosman chalapacuyninchicta tacyachinanchicpa. Ashicuy Romanos 1:11, 12.
4. Am’a ¿imanuypaćh aśhuycunquiman Diosninchicman?
Pensaśhun Bibliaćhu nishantam Diosninchicpi yaćhananchicpa. Yaćhaśhunmi lulaśhancunaćhu, consejuncunaćhu, promesancunaćhupis. Pensayninchic ñatac mañacuyninchic yanapamaśhunmi entendïta jatun cuyacuyniyu caśhanta ñatac allin yaćhayniyu caśhanta. Ashicuy Josué 1:8 ñatac Salmo 1:1-3.
Jehovaman chalapaculmi amigun caśhun. Feninchic’a, juc plantanümi cayan wiñanampa yacucta, wanuctam necesitan, ñatac cuydananchicmi. Chaynúmi feninchicpis necesitan Bibliapi yaćhananchicta ñatac sumätam tantiacuśhun Bibliapa nishanta. Ashicuy Mateo 4:4 ñatac Hebreos 11:1, 6.
5. ¿Jehovapa amigun cal’a ima allincunactaćh ćhasquishun?
Jehová cuydayanmi cuyänincunacta. Yanapämanchicmi payman chalapacuyninchic mana chincanampa (Salmo 91:1, 2, 7-10). Jehová consejayämanchicmi cushicama, caricama cawsananchicpa. Ashicuy Salmo 73:27, 28 ñatac Santiago 4:4, 8.
Gustamanmanmi
YA’ANCHICCUNAPI
¿Imapïmi Bibliata estudiananchic?
Bibliaca yanapayanmi achca achca nunacunacta alli puidi tapucuynincunacta entindipäcunanpa enterun allpaćhu. Amtapis yanapaśhunayquita, ¿munaquimanchu?
