Bibliaćhumi niyämanchic wiñay wiñay cawsacunanchicpa, cay allpäćhu (Salmo 37:29). Bibliaćhu’a cayan 66 librucunam, ñatac Diosninchic 40 umbricunactam aclaycula Bibliata escribinämpa. Chaypimi Moises punta picha librucunata allaycula escribïta 1513 ipan E.C. wataćhu. Ipa libru cunätañatacmi lulala apóstul Juan 98 E.C. wataćhu. Bibliaćhu limaśhancunaca quiquin Diospïmi śhayämun, chaymi Pay’a limanacula Bibliata escribicunäwan espíritu santunwan (2 Samuel 23:2). Cay umbricunaca Diospa pensamientuntam escribipäcula manam quiquincunaptachu, chaypimi bibliata ninchic quiquin Diospa limaynin. Ashicuy 2 Timoteo 3:16 ñatac 2 Pedro 1:20, 21.

Licay cay videuta: ¿Quién es el autor de la Biblia?

Bibliaca Diospïta śhamümi chaymi yaćhayanchic śhamü tiempucunäćhu ima pasanancunacta; nunacunaca manamá yaćhapäcunchu chaycunacta (Josué 23:14). Diosninchic japallanmi yaćhan llü ima pasanantapis. Ashicuy Isaías 42:9 ñatac 46:10.

Bibliaca Diospi śhamümi manan juc librucunanüchu. Cay Bibliapimi alli aypuśha cayan walangan walanganpam imaymana limaycunaćhu. Masqui unay libru calpis niśhancunaca manam contradicinacunchu cienciacúnäwanpis. Ñatacmi cay 40 escribicunawan manam contradecinacunchu quiquin pulapis. * Cay llapa pajinancunaćhüsi camalayanmi Diospa cuyacuynin, chaymi canan nunacunaca Bibliata liguilmi cawsayninta allichayalcan. Ashicuy 1 Tesalonicenses 2:13.

Licay cay videuta: ¿Por qué podemos confiar en que la Biblia dice la verdad?

Bibliaćhu cayan Diospa munaśhancunam llapa nunacunäpa, chayćhumi willayämanchic punta nunacunäpa cawsayninpita paraisupita aluchicalalin Adán Eva. ¿Canan imanuypaćh caśhan paraisuman cutichin’a allpäta? Chaytapis yaćhaycuśhunmä. Ashicuy Apocalipsis 21:4, 5.

Diospa limayninćhu cayanmi mandamientumpis, consejuncunapis, niyamanchictacmá imanuypaćh Jehová licayan nunacunäta chayćhumá niyan allincayninta, imanuypa lisinanchicta. Ñatac yanapämanchic amigun cananchicpa. Ashicuy Salmo 19:7, 11; Santiago 2:23 ñatac 4:8.

Jesus’a Bibliapima yaćhaycachila llapa nunacunäta. Chaynumá cay folletupis yanapäśhunqui tuquillacta entendicunayquipa Diospa nishancunacta. Ashicuy Lucas 24:26, 27, 45.

Cay allin Diospa willacuyninta manamá waquin nunacunaca munapäcunchu, waquin nunacunäta manan imapis uculcanchu, juccuna’a allictam piñaculcan. ¿Am’a imaninquimanćha cay tuqui Diospa nishanta? Juc nunacuna’a ama chayta estudiaychu nishuptiqui’a amam casunquichu, Bibliaćhümi niyan Diosta casucuptiqui’a wiñay wiñaymi cawsacunqui cay allpäćhu. Ashicuy Juan 17:3.