LECCIÓN 5
¿Imapaćha Dioninchic cay allpäta lulala?
1. ¿Imapaćha Diosninchic cay allpäta lulala?
Jehovami lulala cay allpäta llapa nunacuna yaćhananpa. Manamá Adan Evacta cielućhu yaćhanampachu lulala sinu’a allpäćhu yaćhanampami. Cieluca cayan anjilcunallapämi (Job 38:4, 7). Jehová Adan Evacta ćhulaycula cay tuqui Eden jardincamanmi (Génesis 2:15-17). Chulincunawan wawincunawan cushilla cay śhamü tiempućhu wiñay wiñay cawsaculcanampa. Ashicuy Salmo 37:29 ñatac 115:16.
Eden jardinca manamá enterun allpächu. Adan Evap milayninwanmi cay allpäta jardinman cutichinan cala (Génesis 1:28). Allpaca pasaypipäñam cayan nunacuna yaćhanampami, ñatac allpaca manamá chincan’añachu. Ashicuy Salmo 104:5.
Licay cay videuta: ¿Por qué creó Dios la Tierra?
2. ¿Imapïćha mana paraisuchu cay allpaca?
Adan Eva mana Diosninchicta casucuśhanwanmi Eden jardincäpita aluchicalalila. Chaynüpam punta paraisuta perdilälin. Manam pipis allpäta paraisuman cutichïta atipalachu. Bibliami niyan: cay allpaca juyu nunap maquinćhumi cayan (Job 9:24). Ashicuy Génesis 3:23, 24.
¿Manañachućh Jehová lulan’a cay allpäćhu paraisucta nunacunäpa? Lulan’am. Pay’a alli poderniyumi cayan, limaśhanta cumplin’am (Isaías 45:18). Chaymi śhamü tiempućhu’a Diosninchic punta nishanta lulaycun’a llapa nunacunäpa. Ashicuy Salmo 37:11, 34.
3. ¿Imanuypaćh canan cay allpäta yapa paraisuman cutichin’a?
Jesusta Diosmi nombrala gobernante canampa, chay autoridaninwanmi cay allpäta muyuchin’a paraisuman. Llapan anjilnincunawan, chincachi’am llapa contrapartincunacta juyu nunacunäta Diospa guerranćhu Armagedon nishanćhu. Chaypïmi juyu anjil Satanas wićhaśha can’a walanga watapä. Evacta engañaśhampi. Diospa servinincunallam cawsapäcun’a. Jesusmi dirigin’a ñatacmi cuydaycun’a nunacunäta paraisućhu wiñay wiñay cawsaculcanampa. Ashicuy Apocalipsis 20:1-3 ñatac 21:3, 4.
4. ¿Imayćha camacalun’a, Diosninchic cay ñacacuycunäta?
Jesus’a ñama willamälanchicña, cay señalcunäta lical yaćhapäcunquiñam. Cay nunacunäpa llaqui cawsayninmi tantiachimanchic camacay tiempućhuña caśhanchicta. Ashicuy Mateo 24:3, 7-14, 21, 22.
Jesus’a cielupi walanga wata gobernámulmi cay allpäpi chincachin’aña ñacacuycunäta, nanaycunäta. Manamá gobernantillachu pay’a can’a sinu’a sumä alli puydi sacerdotelämi, paymi encargadu cayan Diospa cuyanin nunacunäpa juchanta chincachinanpä. Chaynüpam Jesús camacalun’aña ishyaycunawampis, auquishyaycunawampis, wañuycunawampis. Ashicuy Isaías 25:8 ñatac 33:24.
5. ¿Mayancunaćh yaćhapacun’a paraisućhu?
Jehovapa utunacunan wasićhu lisinqui Diosta cuyä nunacunacta, munaśhanta yaćhay munäcunata
Diosta casucúcunämi paraisućhu yaćhapäcun’a (1 Juan 2:17). Jesús caćhala atínincunacta tuqui śhun’uyu nunacunacta, Diospa ćhasquïsha canampa. Canampis Jehová preparayanñam walanganpam nunacunacta cay paraisućhu cawsanampa (Sofonías 2:3). Cay ashisha nunacunämi Jehovapa testiguncunap utunacunan wasiman liyalcan familiancunawan cusca, chayćhümi yaćhayalcan tuqui esposo ñatac tuqui esposa cayta, jawca cawsaculcänampa cay allin willacuycunäwan. Ashicuy Miqueas 4:1-4.
