LECCIÓN 7
¿Imaćh Diospa gubiernun?
1. ¿Imaćh Diospa gubiernun?
¿Imapićha Jesusta nichwan allin mandacu rey? (MARCOS 1:40-42).
Diospa gubiernun’a, celestialmä ñamá gubiernamun’a, cay allpäman. Chayćhu’a, Diospa voluntanintam lulan’a cielućhupis, allpäćhupis. Nunacunäpa gubiernun’a chincalun’añam. Diospa gubiernuntam nunacunaca alcayalcan, chayćhua Diospa gubiernunmi jucllachamaśhun enterun allpäpita. ¿Cay allin willacuycunäta manachućh gustaycuśhunquiman? Ashicuy Daniel 2:44; Mateo 6:9, 10 ñatac 24:14.
Llapa gubiernućhu munanchic allin mandacütam. Chaypäma Jehová ćhuläla chulin Jesusta rey canampa. Ashicuy Apocalipsis 11:15.
Licay cay videuta: ¿Qué es el Reino de Dios?
2. ¿Imapïmi Jesús mas allin mandacü?
Diospa chulinmá mas allin mandacüca cayan, pay’a rasuncällactam lulan’a (Mateo 11:28-30). Jesús alli poderniyumi nunacunäta yanapänanpa, poderninwanmä cielupíta cay allpäman gubiernamun’a. Jesús wañucuśhampi cawsalul cielütam licula Taytampa ladunćhumi alcäla autoridä canampa, chayćhumi ćhasquila gobernanti canampa (Hechos 10:12, 13). Chaymi Jehová chulinta ula gubiernunta. Ashicuy Daniel 7:13, 14.
3. ¿Jesús juc nunacunawanchućh gubiernamun’a?
Jesús nilam, juc nunacunawanmi gubiernämuśha Taytäpa reynunćhu (Lucas 22:28, 29; Daniel 7:27). Puntacta Diospa aclaśhancuna capäcula Jesuspa apostulnincunam. Jehová canancama aclayanlämi umbrictapis, walmictapis fielcamacta cielućhu capäcunampa. Jesusnumi chay nunacunapis wañulul’a espirituñam capäcun’a cielućhu. Ashicuy Juan 14:1-3 ñatac 1 Corintios 15:42.
¿Ayca nunacunam cieluta lipäcun’a? Bibliaca niyanmi ashllay nunallan lipäcun’a cieluta, paycunacta Jesusmi śhutichäla “cuyaśhá uwishnïcuna” (Lucas 12:32). 144.000 nunacunam Diosninchicta uyalicücama paycunawanmi Jesús gubiernamun’a cay enterun allpäta. Ashicuy Apocalipsis 14:1.
4. ¿Imaćh pasala Jesús gobernayta allaycuptin?
1914 watäćhumi Jesús gobernayta cielućhu allaycula, puntacta’a Satanastam demuniuncunactawan jitalpamula cielüpita cay allpäman. * Satanás alli rabiacuyninwanmi nunacunäta juyuman muyuyachin cay allpäćhu (Apocalipsis 12:7-10, 12). Chay muyunpïmi mastaña juyucaycäta lulayalcan. Chaymi cayan guerracunapis, terremotucunapis, ishyaycunapis, micuy wanaycunapis, chaywanmi Bibliaćhu nishanca cumpliyan. Prontuñamä Diospa reynun cumplilun’a cay allpäćhu. Ashicuy Lucas 21:7, 10, 11, 31.
5. ¿Canan imactaćh Diospa gubiernun lulayan? ¿Cay śhamü tiempućhu’a Diospa gubiernun imactaćh lulan’a?
Enterun allpäćhu willacuycawanmi achca naciuncunapi nunacunaca juñunacuyalcan. Walanganpam umbripis, walmipis Jesusta cäsucuyalcan. Diospa gubiernunćhu’a allin nunacunaca manam wañun’achu. Juyu nunacunäta chincachin’am, chayćhu salvacuyta munal’a Jesustam cäsucuśhun. Ashicuy Apocalipsis 7:9, 14, 16, 17.
Walanga wata pasaluptin’a Diospa gubiernunmi paraisuman allpäta cutichin’a, chayćhumi Diospa punta munacuśhanca cumplin’a nunacunäpa. Ñatacmi Jesús cay walanga wataca camacaluptin gubiernunta cutiycächin’a Taytanman (1 Corintios 15:24-26). ¿Munanquimanchun willayta mayancunactapis gubiernunpita? Ashicuy Salmo 37:10, 11, 29.
^ par. 6 Bibliaćhu nishanta mästa yaćhayta munal’a, Jesús Rey caśhampi 1914 wataćhu licaycul 22 notata libru ¿Qué nos enseña la Biblia? 217-220 paginacunaćhu.
