¿Listuñachun cayä?
¿Listuñachun cayä hermanucunawan cuscalla Diospi-willacunapä?
Diospi-willacunayquipä cuscalla hermanucunawan…
... liguinayquim Bibliata cada muyun, Diosta mañacunayquim, ñatac manam utunacuycäta faltacunayquichu.
... creinayquim yaćhaśhayquita ñatac willacunquimanmi juccunactapis.
... Jehová Diostam cuyanayqui, ñatac Diosta cuyacunäwanmi amigo canayqui.
... manam canayquichu pantaśha religiuncunaćhu nï politicücunaćhu.
... Jehová Dios munaśhannümi cawsanayqui ñatac Jehovapa testigun caytam munanqui.
¿Ñachun listuña cayanqui Diospi-willacunayquipä? Bibliapi yaćhachinïquim liman’a punta-lï-yaśhacunawan, paycunañam limapäcun’a amwan ñatac niśhunqui willacunayquipä o manalapis.
¿Listuñachun cayä bautisacunapä?
Bautisacunayquipä…
... ñam Diospi-willacunayqui cuscalla hermanucunawan.
... callpanchacunayquim Diospi-willacunayquipä achca cuti.
... apoyanayquim ‘yaćhayniyü tantiayniyü sirvintica’, ñatac cäsucunayquim niśhancunacta (Mateo 24:45-47).
... mañacunayquim Jehovata ninayquipä: sirviśhayqui amllactam wiñay-wiñaypä.
¿Ñachun listuña cayanqui bautisacunayquipä? Bibliapi yaćhachinïquim liman’a punta-lï-yaśhacunawan, paycunañam limapäcun’a amwan ñatac niśhunqui bautisacunayquipä o manalapis.
