Jehova ailluta rashcai, huahuagunata cuiranauchun nisha yayagunata mingara (Colosenses 3:20). Yayaguna, cangunami Jehovata llaquinauchun huahuagunata yachachina anguichi. Chimi huiñasha ali yuyaiyuc tucungauna (2 Timoteo 1:5; 3:​15). Chimandas shungu ucui imasa yuyashcata yachana mangui. Can ima alita rashcagunata ricusha yachanga. Canllata Diospa Shimita llaquishaga, camba huahuatas alita yachachingui (Romanos 7:22).

BIBLIAGA NINMI: “Ama yapa rimaisiqui aichichu, chunlla tucusha uyac aichi” (Santiago 1:​19). Manachu camba huahua imatas mana pacasha cuintachun munangui. Chiraicu huahuaguna imata cuintana munacpi uyana mangui. Huahua imata cuintacpiga, cungailla uyai (Santiago 3:​18). Paiguna canda piñarishcata shina ricushaga, mana imatas cuintangaunachu. Paigunata piñashalla rimana randiga, llaquihuan rimai (Mateo 3:​17; 1 Corintios 8:​1).

CAITA RAI:

• Huahuaguna imata cuintasha nicpiga uyai

• Piñanacushcallai cuintanacuna randiga caran uras cuintanacui

BIBLIAGA NINMI: “Ali intindic runaga ima ranaibihuas alita ranga” (Proverbios 16:20). Maicanbi ima nisha sa nishcata musiarina mangui. Maltagunaga mana alita yuyasha imatas rimaglla manaun. “Maican mana uyashallata rimac runaga yuyai illac man” (Proverbios 18:13). Mana huairalla piñarina changui (Colosenses 3:8).

CAITA RAI:

• Imatas cuintacpi tucuita mana piñarisha uyailla

• Pai shina huatayuc ashcai, can imata munashcata yuyarisha intindi

BIBLIAGA NINMI: “Huahuaguna, tucui uras camba mamata yayata cadsuna manguichi” (Colosenses 3:20). Yayagunatami Jehovaga huahuagunata huiñachinata mingashca. Ishcandimi cadsuc, uyac huahuata rasha huiñachina anaun (Efesios 6:​1-3). Huahuagunaga musianaunmi mana “shuc yuyaillahuan causashcata” (1 Corintios 1:​10). Huahuaguna cangunata balichichun nishaga paiguna ricuushcai mana piñanacuna changuichi.

CAITA RAI:

• Huahuagunata imasa cuscanzhinata ishcandi cuintanacuichi

• Huahuagunata imasa yachachinata mana pariulla yuyashas, imahua sa nishcata musiai

BIBLIAGA NINMI: Maltagunata yachachina man nisha (Proverbios 22:6). Huahuagunata alita huiñachinata munashaga, huiñasha huiñangauna ama nichu. Imasa yachachinata, imasa cuscanzhinata yuyana man (Salmo 127:4; Hebreos 12:11). Imaraicu cuscanzhiushaga cunasha intindichina man (Proverbios 28:7). Biblia yachachishcata llaquisha alita intindinata yachachi (Santiago 1:25). Chasnami ucha illac yuyaita charinga (Hebreos 5:14).

CAITA RAI:

• Huahuaguna Diosta amigota shina ricuchun yanapai

• Internetpi ima mana ali ashcata musiarichun yanapai. Huahuagunata huaglichiccunamanda musiaru achun yanapai