Canga tucui uraschu yayata, mamata cadsungui... Manachu imasaibiga cadsunaga sinzhi an. Cadsuc huahua angahuaga imatata rana angui. Jesusmanda yachana mangui. Jesusca pigunatata cadsura... Paiga tucui uras Jehovata, paihua yaya mamatas cadsuc mara. Jesusmanda yachashun.

Jesus Allpama chara mana shamushallata, paiba Yaya Jehovahuanmi ahua pachaibi causac ara. Ña Allpama shamushaga Jesusca yaya mamata charira. Paiba yayaga Jose, mamaga Maria mara. Imasata paiba yayaguna tucunaura. Yachanata munanguichu...

Jesus cai Allpaibi huiñachun nishaga, Jehovaga mana pihuas rashcata rara. Paiba ushaihuanmi Jesustaga Mariahua huicsa ucuibi huiñachira. Chasnami Jesusca tucui huahuaguna shinallata, iscun (9) quilla huasha pagarira. Chasnami Mariaga huahuata charira. Paiba carihuan Jesusta huiñachinaura.

Jesus chunga ishcai (12) huatata charishcaibiga, Jehovata ashcata llaquishcatami ricuchira. Ricushun ima tucushcata. Paiba aillugunahuan Jehovata alabangahua Jerusalenma rinaura. Chi huasha Jerusalenmanda paiguna huasima tigraushcai, Jesusca mana ricurirachu. Tucuibi mascashahuas mana tupanaurachu. Jose sallata Mariaga imatashi ranaura...

Huairalla Jerusalenma bulltiasha Jesusta mascai callarinaura. Quimsa (3) punzhata tucui partibi, ashcata manzharisha mascaushcai tupanaura. Maibi shaura... Diosta alabana huasibi maura. Imaraicuta chibiga aura. Chi pistuibi Jesusca Jehovamanda mas yachaura. Jesusca ahua pachaibi tiac Yayata llaquishcamandami paita cushiyachinata munara. Ña pai huiñasha atun tucushcaibiga, Jehovata cadsushami catira. Mana ali runaguna piñacpihuas, Jesusca paiba Yaya Jehovata cadsusha catira. Jesusca Joseta Mariatahuas cadsuc chara... Bibliaga, indá ninmi.

Jesus tucui uras cadsushcata ricuranguichu... Caibiga imatata yachashcanchi. Yayagunata cadsuna imasaibi sinzhi acpihuas cadsuna manchi. Canga cadsunguichu...