21 YACHANA PARTI
Imashinata Bibliamanda predicaunchi
Jehovaga paiba gobiernohuan ñallami runagunahua turmintugunata huin tucuchinga. Ñucanchiga cai ali cuintaigunata shuc runagunata yachachinata munanchi. Jesusca paita caticcunata nira, caimanda tucui runagunata yachachigrichi (Mateo 28:19, 20). Jesus mandashcata pactachingahua, testigo de Jehovagunaga imatata rashcauna.
1. Cunan punzha imasata Mateo 24:14 pactariun
Jesus nira: “Diospa ali mandanamanda [...] tucui mundui chi cushi shimita” predicashca manga (Mateo 24:14). Testigo de Jehovagunaga predicanata yapa gustac manchi. Mundu intiruibi, 1.000 yali shimigunaibi cai ali cuintaigunata predicanchi. Caita pactachingahua, ashcata alichisha tarabana anchi. Caitaga, Jehova yanapaillahuanmi pactachinchi.
2. Huin runagunata predicangahua imatata ranchi
Maibi runaguna aushcaibi predicanchi. Caitami, punda cristianoguna predicashca shina, huasi huasibi rinchi (Hechos 5:42). Casna predicashami, caran huatata, huaranga huaranga runagunama pactanchi. Imasaibiga, runagunata paiguna huasibi mana tupashcamanda, shuc partigunaibi predicanchi. Jehovamanda, pai imata rangaraushcamanda cuintangahua, runagunata caran uras mascaunchi.
3. Pigunata cai ali cuintaigunata predicana anaun
Huin sirtu Jesusta caticcunami, cai ali cuintaigunata predicana anaun. Ñucanchiga Jesus mandashcata pactachingahua imatas ranchi. Runagunahua causaita quishpichingahua, ñucanchiga lugarta surcushami predicanchi (1 Timoteo 4:16ta leipai). Cai tarbashcamandaga mana pihuas pagaitucunchichu. Bibliaga nin: “Gratismi cuitucuranguichi, chiraicu gratis cuichi” (Mateo 10:7, 8; TNM). Mana huin runaguna uyacpihuas, Jehovata adorangahua, paita cushiyachingahuami predicasha catinchi.
CAIMANDA MASTA YACHAI
Testigo de Jehovaguna mundu intiruibi predicangahua imata raushcata, imasa Jehova caita pactachingahua yanapashcata ricushun.
Mundu intiruibi predicanchi: A) Costa Rica; B) Estados Unidos; C) Benin; D) Tailandia; E) Yap (Micronesia); F) Suecia.
4. Huin runagunata predicangahua tucuita ranchi
Testigo de Jehovagunaga, runaguna maibi aushcaibi, cai ali cuintaigunamanda predicangahua sinzhita tarabanchi. VIDEOTA ricuichi, huasha cai tapuimanda cuintanacuichi:
-
Testigo de Jehovaguna predicangahua imata rashcata mas gustangui.
Mateo 22:39 y Romanos 10:13-15ta leichi, huasha cai tapuigunamanda cuintanacuichi:
-
Shuc runagunata predicasha imashinata paigunata llaquishcata ricuchinchi.
-
Jehovaga paiba shimita yachachiccunata imasata ricun (Romanos 10:15ta ricuichi).
5. Diosraicu tarabanchi
Jehovami, Bibliamanda yachachingahua yanapaitucunchi. Nueva Zelanda llactaibi ima tucushcata ricushun. Shuc chishibi, Paul nishca testigomi, huasi huasibi predicangahua rira. Chibiga, shuc huarmita tupara. Chi punzha tutamandallatami, cai huarmiga Jehova Diosta, paihua shutibi rimasha, paita ricsingahua shuc runa yanapachun nisha tapushca ara. Paul nin: “Quimsa uras huasha, ñuca paiba huasima pactarani”.
1 Corintios 3:6, 9ta leichi, huasha cai tapuimanda cuintanacuichi:
-
Jehovaga imasata Bibliamanda yachachingahua yanapan.
Hechos 1:8ta leichi, huasha cai tapuimanda cuintanacuichi:
-
Tucui runagunata Bibliamanda yachachingahua, imahuata Jehovahua yanapaita minishtinchi.
Yacharanguichu
Chaupi semana tandarinaibi, predicanamanda yachachitucunchi. Can cai tandarinama shamushca ashaga, casna ñucanchita yachachishcamanda imatata yuyangui.
6. Predicashaga Dios mandashcata casunchi
Callari timpuibi, Jesusta caticcunahua enemigoguna, Diospa shimimanda yachachisha catinata mana munanaurachu. Chiraicu, punda Jesusta caticcunaga Diospa shimimanda cuintasha catingahua, apuguna ñaupacpi pagllaibi rimasha difindinaura (Filipenses 1:7; TNM). Cunanbas, testigo de Jehovagunaga chasnallatami rasha catinchi. a
Hechos 5:27-42ta leichi, huasha cai tapuimanda cuintanacuichi:
-
Imahuata Bibliamanda cuintanata mana saquishun (Versiculo 29, 38 y 39ta ricuichi).
MAICANGUNAGA CASNAMI TAPUNAUN: “Imahuata testigo de Jehovagunaga huasi huasibi predicanaun”.
-
Canga imatata ninguima.
IMATA YACHASHCANGUI
Jesusca paita caticcunata huin llactagunaibi Bibliamanda ali cuintaigunata predicaichi nishami cachara. Jehovaga paita sirviccunata chita pactachingahua yanapaun.
Yachashcata cuintai
-
Mundu intiruibi Bibliamanda predicangahua testigo de Jehovaguna imatata raunguna.
-
Shuc runagunata predicasha, imashinata paigunata llaquishcata ricuchinchi.
-
Canga imatata yuyangui. Bibliamanda yachachinaga ñucanchita cushi sintichinata ushanzhu. Imahua.
CANLLATA MASTA YACHAI
Atun llactagunaibi testigo de Jehovaguna imasa predicashcata ricui.
Paris llactaibi imasa ashca runaguna tiashca pistuibi predicanaun (5:11)
Caru llactamanda miticusha shamuc runagunata testigo de Jehovagunaga imasata predicanaun.
Caru llactamanda miticusha shamuc runagunata yanapanchi (5:59)
Ashca urasta predicac pani paiba causaibi imashina cushi sintirishcata uyai.
Jehovaraicu tarabana sumac viajasha riushca shina man (6:29)
Testigo de Jehovaguna imashina apuguna ñaupacpi lugar predicasha catingahua binsishcata leipai.
a Diosmi predicangahua cachaitucunchi. Chiraicumi, Bibliamanda predicangahua, testigo de Jehovagunaga apugunahua permisota mana minishtinchi.
