Callari timpumandami Jehovaga munashca, tucui ailluguna paihuagma caillayangahua, mas llaquinacungahua shuc ratuta pariulla pasanauchun nisha (Deuteronomio 6:​6,7). Chiraicumi Jehovahua testigogunaga caran semanata shuc timputa surcunchi Diosta ñucanchi ailluhuan alabangahua. Chibimi Diospa Shimimanda cushiyasha cuintanacunchi, ñucanchi aillu minishtishcagunata yachachingahua. Sallata sapalla causaccunahuas chi timputa surcuna manaun, paiguna minishtishcata Diospa Shimibi yachangahua.

Jehovama mas caillayangui. ‘Diospagma caillayaichi. Pai cangunahuagma caillayangami.’ (Santiago 4:​8.) Diospa Shimita leishami Jehova ima yuyaigunata charishcata, ñaupa timpumanda imata rasha riucta yachashun. Camba ailluhuan tandarisha yachanaga mana sinzhi chan. Diospa Shimita huin ailluguna uyanauchun nisha sinzhita leinata ushanguichi. Jesus shina causashun, yachachishun nishca tandarinaibi yachangaraushcata leinata ushanguichi. Carangunami Bibliamanda shuc partita leinata ushanguichi. Chi huashaga imata yachashcata cuintanacunata ushanguichi.

Ailluibi mas llaquinacunguichi. Cariguna paihua huarmihuan, yayaguna huahuagunahuan Diospa Shimita yachashaga mas llaquinacungauna. Ailluhuan tandarina uraspi cushi, cungailla pasashaga, huingunami tandarinata munasha chapangauna. Imasaibi yayagunaga huahuagunata yanapacpiga, La Atalaya, ¡Despertad! quillcagunamanda, jw.org nishca pistumanda yachachinata ushanaun. Huahuaguna escuelaibi, colegioibi ima llaquigunata charicpiga imasa alichinatami yayagunaga yachachina anaun. Chasnallata, tandarinaibi cantangaraushcatami huasibi cantasha yachanata ushanaun. Chi huashaga micunatas ushanguichi. JW Broadcasting (tv.pr418.com) programata ricunaga ali manma. Ricushca huashaga aillupura cuintanacunata ushanguichi.

Caran semanata ailluhuan Diosta alabangahua tandarishaga, huingunaga gustutami Diospa Shimimanda yachanata munangauna. Chasna rasha caticpiga, Yaya Diosca ashcatami bindisianga (Apocalipsis 1:3).

• Imaraicuta caran semanata shuc timputa surcunchi ailluhuan Diosta alabangahua.

• Yayagunaga imatata rana anaun, chi tandarina uras huinguna cushi anauchun nisha.