Caita yari: Julia espejoibi ricurishaga, yapa huira shina sintirin. Paiba yayaguna, amigogunas caspi shina tullu mangui nicpihuas, “tulluyana mani” nisha pinsan.

Juliaga tulluyangahua imatas rasha nisha pinsaun. 5 librallahuas bajasha nin. Ansa punzhahuallata raicaita ahuantasha pasana man.

Julia shina sintirishaga imata ranguima.

Can ali ricurinamanda preocuparinaga mana imas chan. Chasna acpiga Bibliaga Sara, Raquel, Jose, David, Abigail sumac cari huarmiguna ashcata cuintan. Por ejemplo, Abisag nishca huarmiga yapacta ali ricuric mara (1 Reyes 1:​4).

Chasna ashahuas maltagunaga ali ricurinata munasha yapacta preocuparinaun. Chimanda problemagunai urmana ushan. Caibi pinsari:

• Investigacionbi, 58 % huarmihuagunaga yapa huira mani ninaura. Chasna ashahuas, 17 % huarmihuagunallami yapa huira anaura.

• Shuc investigacionbi maican huarmiguna tupullata pesashahuas 45 % huarmigunaga yapa huira mani ninaura.

• Maican maltagunaga, tulluyanata munasha anorexia nishca ungüita apishcauna. Anorexia ungüi apicpiga mana micunata munanzhu. Chasna tucusha huañunata ushan.

 Anorexia ungüita charic shina sintirishaga yanapaita tapui. Camba yayagunata cuintai, manashaga can ali apanacushca runata cuintai. Bibliaga nin: “Shuc ali amigoga tucui hurasmi llaquin, turmintugunaibihuas quiquin huauqui shina man” (Proverbios 17:17).

Shungu ucuibi imasa runa anami ali gustu ricuchi tucushun. Bibliaga Rey Davidpa churi Absalonmanda caita nin:

“Israel llacta intiruibi Absalon shina ali gustu runa, shuccuna balichiushca, mana tiarachu. Chaquimandapacha curunagama, paibi ima mana alihuas mana tiarachu” (2 Samuel 14:25).

Chasna ashahuas, Absalonga pai munai runa, piñasha umac, yapacta charina munac runa mara. Chiraicumi, Bibliaga paimanda mana alita riman. Chasnallata, mana ali shungu, runa huanchic mara nin.

Chiraicu, Biblia nin:

‘Canguna ñaupa mana alita rasha causashcata saquisha [...], mushuc yuyaita charinguichi’ (Colosenses 3:​9, 10).

‘Ama ahua carallaibi churarinata yapa yuyaringuichu [...], can randi ali sumac tucusha nisha mana piñarisha, camba shungu ucumanda mansu asha, alita yuyarisha, sumac ricuric tucunguimi’ (1 Pedro 3:​2-4).

Ali ricurinaga mana imas chan. Chasna ashahuas, ima tunu runa anaga can ali ricurinamandas mas balishca man. Runagunaga can imasa runa ashcata mas alita ricunga. Alicia nishca malta huarmihua nin: “Ali ñahui acpiga runaguna mana unaichu ricui tucungui. Chasna ashahuas, shungu ucuibi imasa, ima tunu runa ashcata mas balichinga”.

Can imasa ashcata gustanzhu.

Mas alita ricuringahua, operarisha, mana alita micusha nisha pinsashcanguichu.

Canmanda imata cambiana munangui (Can munashcata rayai).

• ÑAHUI

• SINGA

• ACCHA

• AICHA INTIRU

• ÑAHUI

• CARA

Callari ishcai tapuigunaibi “indá” rayashca asha, chasnallata tucuri tapuibi, 3 o masta anllashca ashaga, caita yuyari: can mana alita ricuricpihuas shuccunaga alitami ricui tucungui. Imasaibiga ali ricuringahua yangalla, yapacta preocuparinchi (1 Samuel 16:​7).