ꞌUI 6
¿He aha te meꞌe i kī e te Puka o te ꞌAtua o ruŋa o Ietū?
TE MEꞌE I KĪ
“E a koe e Belén Efrata ē [...], mai i a koe ka eꞌa mai era te kope ka riro era he ꞌariki o Israel.”
(Miqueas 5:2)
PE HĒ I HAKA TANO AI
“Ko poreko era ꞌā a Ietū i Belén o Judea, i te ŋā mahana era ko Herodes te ꞌariki, e ¡ka uꞌi! te nuꞌu e uꞌi era i te hetuꞌu o te ŋā kāiŋa e eꞌa mai era te raꞌā, i oho mai ai ki Jerusalén.”
TE MEꞌE I KĪ
“He tuhaꞌa i roto i a rāua tōꞌoku kahu, e o ruŋa i tōꞌoku kahu e pere era mo uꞌi ki a ai ka topa era.”
(Salmo 22:18)
PE HĒ I HAKA TANO AI
“I ꞌoti era te veo e te vaꞌehau i a Ietū i ruŋa i te pou, he ꞌaꞌaru tōꞌona kahu uru o haho e he toꞌo he haka paīhi e hā parehe [...]. E te kahu era o roto ꞌina he kaūi, o te ai paꞌi mai ruŋa ki raro i aŋa ai. Oīra i kī ai ki a rāua ꞌā: “‘ꞌIna ko haka paīhi, ki toꞌo mai ki pere mo uꞌi ki a ai ka topa ena’.”
TE MEꞌE I KĪ
“Nā a Īa e hāpaꞌo mai ena i te ivi taꞌatoꞌa o rā kope; ꞌina e tahi o rā ŋā ivi i ha-hati.”
(Salmo 34:20)
PE HĒ I HAKA TANO AI
“I hāhine era ki a Ietū, he tikeꞌa ko mate era ꞌā, oīra ꞌina kai ha-hati tōꞌona vaꞌe.”
TE MEꞌE I KĪ
“I te hara o tātou i ꞌoꞌoka ai i a īa.”
(Isaías 53:5)
PE HĒ I HAKA TANO AI
“E tahi o rā ŋā vaꞌehau he ꞌoꞌoka a te kao-kao hai miro potu ꞌaurī, e i tū hora ꞌā he tehe mai te toto e i te vai.”
TE MEꞌE I KĪ
“E he ꞌauhau mai e rāua tōꞌoku moni, toru ꞌahuru tara ꞌaurī.”
(Zacarías 11:12, 13)
PE HĒ I HAKA TANO AI
“E tahi o te hoꞌe ꞌahuru mā piti, e nape era ko Judas Iscariote, he oho ki te puꞌoko haka tere hare pure e he kī: ‘¿He aha te meꞌe o kōrua mo vaꞌai mai mo vaꞌai atu e au i a īa?’. He kī ananake toru ꞌahuru tara ꞌaurī.”
