ꞌUI 2
¿Pe hē koe ana hāpī o ruŋa i te ꞌAtua?
“Te puka nei o te Roŋo o te ꞌAtua, ꞌina ko haꞌataꞌa mai tuꞌu haha, e i te pō e i te ꞌotea, e taiꞌo koe i a īa hai haka topa i te manaꞌu, mo hāpaꞌo koe mo aŋa i te meꞌe taꞌatoꞌa pāpaꞌi era i ruŋa; o te ai peira, he riva nō te meꞌe mo piri atu i tuꞌu ara, e hai māramarama koe ka haka tere ena.”
(Josué 1:8)
“He taiꞌo he oho ananake hai reꞌo pūai mai ruŋa i te puka, o te Roŋo o te ꞌAtua parautiꞌa, hai haka aŋi-aŋi riva-riva e hai haꞌauraꞌa; e he hāꞌūꞌū he oho e rāua ki te taŋata mo aŋi-aŋi tahi te meꞌe taiꞌo era.”
(Nehemías 8:8)
“Koa nui te taŋata e taꞌe haka tere ena a te vānaŋa o te taŋata rake-rake [...]. Tāꞌana meꞌe haŋa rahi he roŋo a Iehoha, e i te pō e i te ꞌotea e taiꞌo era i tāꞌana roŋo hai haka topa i te manaꞌu [...]. E taꞌatoꞌa meꞌe mo aŋa e īa he meꞌe riva-riva nō ka hopeꞌa ena.”
(Salmo 1:1-3)
“He tahuti a Felipe ki muri e he ŋaroꞌa e taiꞌo ꞌā hai reꞌo pūai i a Itaīa te profeta, e he kī: ‘¿Ko aŋi-aŋi ꞌā koe he aha taꞌa meꞌe e taiꞌo mai ena?’. He kī e īa: ‘¿Pe hē paꞌi au ana riva mo aŋi-aŋi ꞌina hoꞌi he taŋata mo hāpī mai?’.”
“Tōꞌona huru e taꞌe tikeꞌa nei e tātou pē tōꞌona pūai ꞌina he hopeꞌa, e tōꞌona huru ꞌAtua, e tikeꞌa riva-riva rō ꞌā mai te haꞌamata iŋa o te ao pē muꞌa, o te ai he aŋi-aŋi tātou i tōꞌona huru, hai meꞌe aŋa tahi era e Īa, oīra ꞌina e tahi taŋata mo riva mo kī ꞌina he ꞌAtua.”
“Ka haka topa tuꞌu manaꞌu o ruŋa i te ŋā meꞌe nei; ka aŋa tahi e ꞌina ko haka rē te aŋa te oho, mo tikeꞌa e te taꞌatoꞌa ko maꞌa ko oho ꞌā tuꞌu manaꞌu.”
“E tapa e oho i roto i a tātou mo haka makenu i a tātou ki te here e ki te aŋa riva-riva, e ꞌina ko haka rē te piri te oho o tātou.”
“Mo ai e tahi o kōrua haŋa mo ata māramarama, ka nonoꞌi ka oho ki te ꞌAtua, o te ai a Īa e vaꞌai rahi rō ꞌā ki te taꞌatoꞌa, e ꞌina e ko hiti atu.”
