KAU 11
¿He aha te hauhaꞌa riva mo rovaꞌa mo haka tere i a tātou a te roŋo o te Puka o te ꞌAtua?
1. ¿O te aha tātou ana taꞌe riva mo haka tere i a tātou ꞌā?
Te roŋo o te Puka o te ꞌAtua e hāpī rō mai ꞌā te ora he mahīa nui-nui e tahi o te ꞌAtua ¿Pe hē ana hapaꞌo? (SALMO 36:9).
O te ai te ꞌAtua kai aŋa i te taŋata mo haka tere i a rāua e rāua ꞌā (Jeremías 10:23). Te ꞌAtua e here ꞌe e tapa rō ꞌā i te taŋata. Pahe ŋā poki riki-riki e ai te rāua matuꞌa mo haka tere, peira ꞌā, te taŋata mo te ꞌAtua e haka tere o te ai ata maramarama a Īa ki a tātou (Isaías 48:17, 18). Te roŋo papaꞌi i ruŋa i te Puka o te ꞌAtua, he mahīa nui-nui e tahi ꞌaꞌana, mo haka tere i a tātou.—E taiꞌo 2 Timoteo 3:16.
Te roŋo o Iehoha e hāpī rō mai ꞌā, hē te huru hopeꞌa o te riva-riva mo haka tere i a tātou i aŋanirā, e pe hē ana rovaꞌa te hauhaꞌa riva ki te hopeꞌa raꞌa. I te ai ꞌaꞌana tātou i aŋa, maꞌana nō e haꞌatere i a tātou, ōira e haŋa tātou mo haꞌatere mai e Īa. Peira ꞌā e haŋa ꞌe e haka roŋo i taꞌana roŋo hai mahatu.—E taiꞌo Salmo 19:7, 11; Revelación 4:11.
2. ¿Pe hē te Puka o te ꞌAtua e haka tere ena i a tātou?
A Iehoha ko vaꞌai mai ꞌā, i ruŋa i taꞌana Puka e rua huru o te roŋo: te roŋo raꞌe, ko te roŋo ena mo kī mai hē te meꞌe mo aŋa e hē te meꞌe mo taꞌe aŋa (Deuteronomio 22:8). Te rua roŋo, ko te roŋo era mo hāpī mai mo haka topa i te manaꞌu pe hē tātou ana haka tere a roto i te rauhuru ꞌati e meꞌe ka piri mai ena i aŋarinā e pe muꞌa ka oho ena. Mo aŋi-aŋi pe hē ana haka tere hai roŋo nei e haka topa i raꞌe te manaꞌu (Proverbios 2:10-12). I he haꞌauraꞌa atu, te Puka o te ꞌAtua e hāpī rō ꞌā o ruŋa i te roŋo e tahi: te ora iŋa he mahīa e tahi o te ꞌAtua. Mo haka topa tātou te manaꞌu o ruŋa i te roŋo nei, he aŋi-aŋi pe hē ana haka tere mo hapaꞌo i a tātou o piri mai te ꞌati i te kona aŋa, i te hare e i te taꞌatoꞌa kona.—E taiꞌo Hechos 17:28.
3. E rua roŋo hopeꞌa o te nui-nui ¿Ko roŋo hē?
Ko vānaŋa a Ietū o ruŋa i te roŋo e rua. Te roŋo raꞌe he haka tikeꞌa mai mo te aha te ꞌAtua i aŋa ai te taŋata: mo aŋi-aŋi o ruŋa i te ꞌAtua, mo here e mo Proverbios 3:6). Te taŋata haka tere hai roŋo nei he riro he ŋaruhoa o te ꞌAtua, he rovaꞌa i te koa mau e he ora ki te hopeꞌa raꞌa.—E taiꞌo Mateo 22:36-38.
aŋa ki a Īa. Taꞌatoꞌa meꞌe mo aŋa, e tapa te roŋo nei mo haka tere i a tātou (Te rua roŋo, he haꞌūꞌū mai mo aŋa i te meꞌe riva nō ki te tahi (1 Corintios 13:4-7). Mo aŋa peira e haka tere a tātou a te huru aŋa e te ꞌAtua ki te taŋata taꞌatoꞌa.—E taiꞌo Mateo 7:12; 22:39, 40.
4. ¿Pe hē te roŋo ana haꞌūꞌū mai?
Te roŋo o te Puka o te ꞌAtua e hāpī rō ꞌā pe hē te huaꞌai ana taꞌe haꞌataꞌa e pe hē ana here ki a rāua (Colosenses 3:12-14). Peira ꞌā e ai rō ꞌā te roŋo he hāpī pe nei ē meꞌe taꞌe au te haꞌipoꞌipo mo haꞌataꞌa.—E taiꞌo Génesis 2:24.
Mo haka roŋo tātou i te roŋo o te Puka o te ꞌAtua, he hapaꞌo i a tātou o hape o kore te tātou kai, kahu e kona mo noho. Takoꞌa he hapaꞌo mai te tātou huru manaꞌu e te tātou mahatu. Mo haꞌauraꞌa atu, te puꞌoko haka tere o te rauhuru kona aŋa, he haŋa ki te taŋata haka tere a te ŋā roŋo nei o te ai he taŋata haka kē mo aŋa e ꞌina he toke (Proverbios 10:4, 26; Hebreos 13:18). Takoꞌa te vānaŋa o te ꞌAtua e hāpī rō mai ꞌā mo koa, mo ai e ai rō ꞌā te tātou kai, kahu e kona mo noho. Peira ꞌā e here ki te ꞌAtua raꞌe ki te taoꞌa.—E taiꞌo Mateo 6:24, 25, 33; 1 Timoteo 6:8-10.
Te roŋo o te Puka o te ꞌAtua e hāpī rō mai ꞌā pe hē ana hapaꞌo i te tātou hakari, e vānaŋa era pe nei ē ꞌina ko unu te ava ki te taꞌero o piri rō mai te ꞌati rake-rake pahe maiūi o he mate mo haka tere te pereoꞌa e taꞌero rō ꞌā (Proverbios 14:30; 22:24, 25; 23:20). A Iehoha e haꞌatiꞌa rō mai ꞌā mo unu i te ava, ꞌe e haka tano nō ana unu (Salmo 104:15; 1 Corintios 6:10). Te roŋo o te Puka o te ꞌAtua he haꞌūꞌū takoꞌa mai, mo uꞌi mo taꞌe poteko te tātou huru haka tere e i te tātou manaꞌu (Salmo 119:97-100). Te pukuraŋa parautiꞌā ꞌina he haka roŋo mo te rāua riva nō, a rāua e haka roŋo ena o te ai e here e moꞌa rō ꞌā i a Iehoha.—E taiꞌo Mateo 5:14-16.