KAU 1
¿He aha te parau ꞌāpī riva-riva?
1. ¿He aha te parau ꞌāpī o te ꞌAtua mo tātou?
Ko haŋa ꞌā te ꞌAtua mo koa te taŋata. I te rahi o toꞌona here ki te taŋata o te ꞌAo taꞌatoꞌa, a Īa i aŋa ai te henua e i te meꞌe taꞌatoꞌa i ruŋa i a īa. ꞌIna he hora toe, nā te ꞌAtua he haka kore te meꞌe rake-rake taꞌatoꞌa, mo riva te taŋata mo rovaꞌa i te hauhaꞌa riva pe muꞌa ka oho ena.—E taiꞌo Jeremías 29:11.
Kai ai ꞌā e tahi pūꞌoko haka tere henua mo haka kore te riri-riri, te maiūi, e i te mate. E ai rō ꞌā te parau ꞌāpī riva-riva: ꞌina he hora toe nā te ꞌAtua he haka kore i te haꞌatere taŋata e he haka tuꞌu i toꞌona Haꞌatere. Mo te nunaꞌa o te Haꞌatere o te ꞌAtua e rovaꞌa i te haumaru ꞌe e ko maiūi haka ꞌou.—E taiꞌo Isaías 25:8; 33:24; Daniel 2:44.
2. ¿O te aha tātou ana haka roŋo ki te parau ꞌāpī nei i te hora mau nei ꞌā?
Mo taꞌe ai haka ꞌou te mamāe, e haka kore tahi te taŋata rake-rake mai ruŋa i te ꞌAo, mo te ꞌAtua nō e aŋa peira (Sofonías 2:3). ¿A hē ka aŋa ena? Papaꞌi era ꞌā i ruŋa i te Puka o te ꞌAtua te meꞌe taꞌatoꞌa haka mamāe nei i te taŋata i aŋanirā, nei ŋā ꞌati, ko haka tikeꞌa ꞌā, nā te mahana o te ꞌAtua ko hahine mai ꞌā.—E taiꞌo 2 Timoteo 3:1-5.
3. ¿He aha te tātou meꞌe mo aŋa?
E hāpī tātou i te Puka o te ꞌAtua mo aŋi-aŋi o ruŋa i a Īa. Nei puka paꞌi, tuꞌu ꞌā pahe parau papaꞌi e te matuꞌa here ki taꞌana poki, i ruŋa e haꞌaki era pe hē ana haka tere riva-riva i te tātou ara mo koa mau i te hora nei, e he aha tātou meꞌe mo aŋa mo ora ki te hopeꞌa raꞌa. He aŋi ꞌā, e ko koa tahi te taŋata o tū hāpī o ruŋa i te Puka o te ꞌAtua, ꞌina koe ko haꞌatiꞌa mo hōriŋa ꞌoꞌou. Te hauhaꞌa riva ka rovaꞌa ena e koe e ko pau.—E taiꞌo Proverbios 29:25; Revelación 14:6, 7.