KAU 10
¿Pe hē ana aŋi-aŋi hē te huru parautīꞌa mo haꞌatura ki te ꞌAtua?
1. ¿E tahi nō huru parautīꞌa mo haꞌatura ki te ꞌAtua?
A Ietū i hāpī ai ki taꞌana pukuraŋa e tahi nō huru titīka mo haꞌatura ki te ꞌAtua, e ko haꞌauraꞌa ꞌā pahe ara e tahi mo maꞌu mo ora ki te hopeꞌa raꞌa. Ko kī ꞌā, vara-vara nō te nuꞌu rovaꞌa i nei ara (Mateo 7:14). I ruŋa i te Puka o te ꞌAtua e haꞌaki era te huru parautīꞌa haꞌatiꞌa e Iehoha mo haꞌatura ki a Īa. Te taŋata taꞌatoꞌa haꞌere a te ara nei, he piri tahi mo haꞌatura ki te ꞌAtua pe tū huru ꞌā.—E taiꞌo Juan 4:23, 24; 14:6; Efesios 4:4, 5.
Ka mataꞌitaꞌi te video ¿E haŋa rō ꞌā Iehoha ki te taꞌatoꞌa hare pure?
2. ¿He aha te meꞌe i kī e Ietū o ruŋa i te pukuraŋa haꞌavare?
Ko kī ꞌā Ietū mai roto i taꞌana pukuraŋa he eꞌa mai te pukuraŋa haꞌavare mo haka tutūki i taꞌana pukuraŋa parautīꞌa. Te ŋā taŋata haꞌavare nei e te rāua hare pure e kī ena ko rāua te pukuraŋa o Ietū. ¿Pe hē ana aŋi-aŋi ko ai te pukuraŋa parautīꞌa e ko ai te pukuraŋa reo-reo? E riva nō koe mo aŋi-aŋi ko ai mau ꞌā te pukuraŋa parautīꞌa hai uꞌi a ruŋa i te rāua huru haka tere.—E taiꞌo Mateo 7:13-23.
3. ¿Pe hē ana aŋi-aŋi ko ai te pukuraŋa parautīꞌa?
Ki uꞌi e rima huru mo aŋi-aŋi rā ŋā nuꞌu:
-
E moꞌa rō ꞌā te Puka o te ꞌAtua pahe vānaŋa ꞌaꞌana. Te pukuraŋa parautīꞌa e haka uhu rō ꞌā mo haka tere a te meꞌe hāpī e te Puka o te ꞌAtua. Te pukuraŋa haꞌavare e haka tere rō ꞌā a te manaꞌu taŋata e taꞌe a te manaꞌu o te ꞌAtua (Mateo 15:7-9). Takoꞌa te pukuraŋa parautīꞌa e aŋa rō ꞌā i te meꞌe tatāra ena e rāua.—E taiꞌo Juan 17:17; 2 Timoteo 3:16, 17.
-
E moꞌa rō ꞌā te ꞌīŋoa o te ꞌAtua ko Iehoha. I aŋa rō a Ietū peira hora haka ꞌite era te ꞌīŋoa o toꞌona matuꞌa ki te tahi. Takoꞌa i haꞌūꞌū rō ki te taŋata mo aŋi-aŋi Mateo 6:9). ¿Ko pukuraŋa hē te pukuraŋa haka aŋi-aŋi te ꞌīŋoa o te ꞌAtua i tū kona noho?—E taiꞌo Juan 17:26; Romanos 10:13, 14.
o ruŋa o Iehoha. Peira ꞌā, i hāpī rō mo pure ki te ꞌAtua mo haka maitaki toꞌona ꞌīŋoa i ruŋa i te ꞌAo taꞌatoꞌa ( -
E vānaŋa rō ꞌā o ruŋa i te Haꞌatere o te ꞌAtua. A Iehoha i uŋa ai i a Ietū ki ruŋa i te henua, mo vānaŋa o ruŋa i te parau ꞌāpī riva-riva o te Haꞌatere o te ꞌAtua, he ꞌoti mau ꞌā te raveꞌa hopeꞌa o te riva-riva mo te ꞌAo taꞌatoꞌa, e peira i aŋa ai ki te hora era o toꞌona mate (Lucas 4:43; 8:1; 23:42, 43). E ko kī ꞌā pe nei ē, taꞌana pukuraŋa e vānaŋa rō o ruŋa i nei Haꞌatere. Ōira, mo hahine atu e tahi taŋata e he vānaŋa atu o ruŋa i te Haꞌatere o te ꞌAtua, ¿o hare pure hē a īa?—E taiꞌo Mateo 24:14.
-
Te pukuraŋa a Ietū ꞌina he peꞌe ki te ꞌAo rake-rake nei. E riva nō mo aŋi-aŋi nei nuꞌu i te taꞌe anoꞌi i a rāua ki te huru manaꞌu, aŋa, moto, ture o te taŋata pūꞌoko haka tere o te ꞌAo taꞌatoꞌa (Juan 17:16; 18:36). Takoꞌa ꞌina he haka tere a te huru rake-rake o te taŋata o te ꞌAo nei.—E taiꞌo Santiago 4:4.
-
E tikeꞌa nō koe te here o rāua. Te vānaŋa o te ꞌAtua ko hāpī ꞌā mo moꞌa ki te taŋata taꞌatoꞌa, no atu te rāua hau. Te pukuraŋa reo-reo e peꞌe rō ꞌā ki te tamaꞌi o te ꞌAo taꞌatoꞌa. Te pukuraŋa parautīꞌa ꞌina he aŋa te ŋā meꞌe nei (Miqueas 4:1-3). Te aŋa o rāua he haꞌūꞌū ki te tahi hai rāua hora, haŋu, taoꞌa, e ꞌina he tiaki mo haka hoki te rima o te ai hai mahatu e aŋa ena.—E taiꞌo Juan 13:34, 35; 1 Juan 4:20.
4. ¿Ko aŋi-aŋi ꞌā koe ko ai te pukuraŋa parautīꞌa?
¿Ko ai te nunaꞌa haka tere hai meꞌe hāpī e te Puka o te ꞌAtua, e takoꞌa moꞌa i toꞌona ꞌīŋoa? ¿Ko ai te nunaꞌa vānaŋa ko te Haꞌatere o te ꞌAtua te raveꞌa hopeꞌa o te riva-riva mo te ꞌAo taꞌatoꞌa? ¿Ko ai te nunaꞌa haka tikeꞌa te here ki a rāua e ki te tahi, e ꞌina he peꞌe ki te tamaꞌi? ¿Ko aŋi-aŋi ꞌā koe ko ai rā nunaꞌa?—E taiꞌo 1 Juan 3:10-12.