HĀPĪ 5
ꞌI te taꞌu era o Nōē, ¿ko ai te nuꞌu i haka roŋo ki te ꞌAtua ꞌe ko ai ꞌina?
Te nuꞌu era o te taꞌu o Nōē he meꞌe rake-rake nō te meꞌe aŋa (Génesis 6:5).
He poreko te ŋā poki a ꞌĀtamu rāua ko Eva, he hini, he kau te taŋata ꞌi ruŋa i te henua. I tano era te mahana, he piri te nūnaꞌa merahi e tahi, he pātoꞌi pe he Tātane ki te ꞌAtua.
A rāua mai ruŋa i te raŋi i topa mai ai. He riro pa he taŋata i te rāua haŋa mo hāipo-ipo ki te ŋā viꞌe. He poreko-reko te ŋā poki aŋa i te aŋa rake-rake, ꞌe ꞌata hau te rāua haŋu ki tētahi taŋata.
He ī te henua e te nuꞌu rake-rake. Te Puka o te ꞌAtua e kī rō ꞌā: “Te aŋa rake-rake o te taŋata ko kau ꞌā ꞌi ruŋa i te henua” ꞌe, he ꞌino nō te meꞌe manaꞌu o te taŋata.
He haka roŋo a Nōē ki te ꞌAtua ꞌe he aŋa te avahata tuꞌu pa he pahī (Génesis 6:13, 14, 18, 19, 22).
A Nōē he taŋata riva. ꞌO ira a Iehoha i kī ai, nā a ia he haka kore tahi i te nuꞌu rake-rake, hai aꞌa ꞌua nui-nui e tahi.
He kī mo aŋa e tahi avahata tuꞌu pa he pahī, mo raŋa-raŋa ꞌi ruŋa i te vai. ꞌI roto ana ha-haꞌo i tāꞌana huaꞌai, ꞌe i te rauhuru manu tere henua.
Ko hāꞌaki ꞌā e Nōē ki te taŋata, o ruŋa i te aꞌa ꞌua ka topa mai era ki ruŋa i te henua, ꞌe ꞌina e tahi nuꞌu i tapa. Kē nuꞌu i ka-kata ꞌe kē nuꞌu i riri-riri mōꞌona.
I oti era a Nōē i te avahata tuꞌu pa he pahī, he ha-haꞌo te rauhuru manu tere henua ki roto.
