Haꞌamata
Te ꞌAtua e here ro mai ꞌā pa he matuꞌa (1 Pētero 5:6, 7).
A ia he matuꞌa o tātou ꞌi te ai ꞌāꞌana tātou i aŋa. Te matuꞌa riva, e tapa rō ꞌā i tāꞌana ŋā poki ꞌe e hāpī rō ꞌā mo oho riva-riva a rāua. Te ꞌAtua e tapa rō ꞌā takoꞌa i a tātou ꞌe ꞌo ira e hāpī mai ena ki te taŋata o te ao taꞌatoꞌa, hē te huru hopeꞌa o te riva-riva mo ora mo haꞌere mo oho.
A ia e hāpī rō mai ꞌā te parautiꞌa mo koa mau o tātou ꞌe takoꞌa mo uꞌi te meꞌe hopeꞌa o te riva-riva ka ravaꞌa ena pe muꞌa ka oho ena.
Mo haka roŋo tātou ki te ꞌAtua, a ia he hāꞌūꞌū, he hāpaꞌo ꞌe he haka tere i a tātou a te ara tī-tika.
ꞌE takoꞌa ko kī mai ꞌā he ora tātou ki te hopeꞌa raꞌa.
Mo haka roŋo koe ki te ꞌAtua he ora he oho rō ꞌai koe ki te hopeꞌa raꞌa (Isaías 55:3).
Ana haŋa koe ka taiꞌo takoꞌa
ENSEÑANZAS IMPORTANTES DE LA BIBLIA
¿E ai rō ꞌā te ꞌīŋoa o te ꞌAtua?
Te ꞌAtua e ai rō ꞌā te rauhuru ꞌīŋoa mo raŋi pa he Matuꞌa, ꞌAtua. Ko pāpaꞌi ꞌā a ruŋa ki te 7.000 pāpaꞌi iŋa te ꞌīŋoa o te ꞌAtua ꞌi ruŋa i te Pipiria.
