HĀPĪ 4
¿He aha te meꞌe i piri o te haka roŋo ki te Tātane?
ꞌO te taꞌe haka roŋo ki te ꞌAtua, a ꞌĀtamu ararua ko Eva i mā-mate ai (Génesis 3:6, 23).
He haka roŋo a Eva ki te kōreha, ꞌe he kai te kai mai ruŋa i tū tumu tapu era. I hini era he vaꞌai takoꞌa ki a ꞌĀtamu mo kai, ꞌe he kai takoꞌa a ia.
Te meꞌe aŋa era e rāua ko hape ꞌā, rā meꞌe he hara. ꞌO ira te ꞌAtua i tute ai i a ꞌĀtamu ararua ko Eva, mai roto tū kona nehe-nehe era.
Mai rā hora i aŋa rahi ai te rāua noho, koia ko te rāua ŋā poki. He korohuꞌa ꞌe he rūꞌau he oho, ꞌe he mā-mate. ꞌIna e tahi kona i oho ararua, kai iri ki te raŋi, kai oho ki te pōꞌauahi, i kore nō mai ruŋa i te henua.
Te nuꞌu mate he hoki ki te ꞌōꞌone ꞌe ꞌina e ko riva mo aŋa e tahi meꞌe (Génesis 3:19).
A tātou taꞌatoꞌa mai ꞌĀtamu ararua ko Eva i oho mai ai. ꞌO ira tātou e mate nei. Te nuꞌu mate ꞌina e ko riva mo takeꞌa, mo ŋaroꞌa ꞌe mo aŋa e tahi meꞌe (Eclesiastés 9:5, 10).
ꞌIna a Iehoha kai haŋa mo mate o te nuꞌu. ꞌIna he hora toe he haka ora haka ꞌou i te nuꞌu ko mate ꞌā. Mo haka roŋo nei nuꞌu ki a ia, e ko mate haka ꞌou, he ora he oho rō ꞌai ki te hopeꞌa raꞌa.
Ana haŋa koe ka taiꞌo takoꞌa
ENSEÑANZAS IMPORTANTES DE LA BIBLIA
¿He aha te meꞌe piri ki te nuꞌu era ko mate ꞌā?
Te Pipiria e kī rō ꞌā nā e tuꞌu rō te mahana rahi nō te nuꞌu mate he haka ora haka ꞌou, pa he huru aŋa era ki a Rātaro.
