HĀPĪ 6
¿He aha te meꞌe hāpī mai o ruŋa i te taꞌu era o Nōē hora aꞌa ꞌua era?
Ko haka kore tahi ꞌā e te ꞌAtua i te taŋata taꞌe haka roŋo era, ꞌe ko Nōē nō rāua ko tāꞌana huaꞌai i ora (Génesis 7:11, 12, 23).
Maha ꞌahuru mahana ꞌe maha ꞌahuru pō, i hoa ai te ꞌua, ꞌe ꞌina kai noho. He puꞌa tahi te henua e te vai, ꞌe he mā-mate tahi te taŋata rake-rake.
Tū ŋā merahi pātoꞌi era, he huri tū hakari taŋata era ki te rāua hakari vārua, ꞌe he oho he piri ki te Tātane. ꞌI te hora nei a rāua he vārua rake-rake.
Te meꞌe i ora nō, he meꞌe era o roto o te avahata tuꞌu pa he pahī. I tano era te matahiti he mate he oho a Nōē koia ko tāꞌana huaꞌai. Nā te ꞌAtua he haka ora haka ꞌou i a rāua, ꞌe he ora he oho rō ꞌai ki te hopeꞌa raꞌa.
Nā he tano te mahana, te ꞌAtua he haka kore haka ꞌou i te taŋata rake-rake ꞌe he haka rē i te taŋata riva (Māteo 24:37-39).
Te Tātane ararua ko te vārua rake-rake, nā e aŋa e oho mai ena, mo taꞌe haka roŋo e te taŋata ki a Iehoha.
ꞌI ꞌaŋanīrā, pa he taꞌu era o Nōē, e ai rō ꞌā te taŋata taꞌe haŋa mo haka roŋo ki a Iehoha. ꞌIna he mahana toe, nā ia he haka kore tahi i te taŋata rake-rake (2 Pētero 2:5, 6).
Takoꞌa e ai rō ꞌā te nuꞌu pē Nōē, haka roŋo ki te ꞌAtua. Nei nuꞌu, ko te taŋata haka ꞌite o ruŋa o Iehoha.
Ana haŋa koe ka taiꞌo takoꞌa
PUKA ꞌE PUKA RIKI-RIKI
¿ꞌA ꞌai mau te haka tere te ao ꞌi te hora nei?
He pāhono o te Puka o te ꞌAtua he haka ꞌara tuꞌu mata.
