Pē hē ana hāpī riva riva hai puka nei
Raꞌe ki te haꞌamata te hāpī hai puka nei, ka taiꞌo i te meꞌe e kī era ꞌi ruŋa nei. Ki oti ka mataꞌitaꞌi te VĪDEO.
TE KONA RAꞌE
Raꞌe ki te hāpī kōrua ko te kope hāpī atu ena i te Pipiria, ka taiꞌo tahi te kaka parau raꞌe o te hāpī. Te ꞌui tuhi era hai nūmera (A) ꞌe te ŋā kupu vānaŋa era o te Pipiria pāpaꞌi era hai tiꞌaraꞌa ꞌata ꞌuri-ꞌuri (B) e haka aŋi-aŋi mai ꞌā te tumu o te hāpī. Takoꞌa ka taiꞌo te ŋā kupu vānaŋa e kī era, “Ka taiꞌo”.
TE RUA KONA
Te kupu vānaŋa raꞌe o te kona era “Mo maꞌa tuꞌu ꞌite” he haka aŋi-aŋi atu ko meꞌe hē te meꞌe ka hāpī era (C). Te ŋā kupu vānaŋa tuhi era hai nūmera, he haka aŋi-aŋi atu te tumu o te meꞌe ka hāpī era (D). ꞌI te hora hāpī kōrua ko te kope hāpī atu ena i te Pipiria, ka taiꞌo te kupu vānaŋa o te Pipiria, ka pāhono te ꞌui ꞌe ka mataꞌitaꞌi te vīdeo.
TE VĪDEO. ꞌI te ŋā kona nei he ravaꞌa koe i te rauhuru vīdeo mo ꞌata aŋi-aŋi taꞌa meꞌe e hāpī ena. E ai rō ꞌā te vīdeo ko piri mau ꞌā ki rā nuꞌu rā meꞌe eꞌa era ꞌi ruŋa. E ai takoꞌa rō ꞌā tētahi vīdeo, he haꞌaauraꞌa nō e tahi mo aŋi-aŋi riva-riva i te hāpī.
Ka uꞌi ka mataꞌitaꞌi i te hohoꞌa ꞌe te meꞌe vānaŋa o ruŋa (E), ꞌe ka haka topa tuꞌu manaꞌu pē hē ꞌana pāhono ꞌi te kona e kī era “He aha taꞌa meꞌe mo pāhono mo kī atu e te nuꞌu” (F).
TE TORU KONA
Ka oti era te hāpī ka uꞌi te kona e kī era “Te meꞌe mo aŋi-aŋi o ruŋa i te hāpī nei” ꞌe ka uꞌi takoꞌa te kona e kī era “Mo taꞌe rehu” (G). Pē ira ꞌā, ka pāpaꞌi ꞌi aŋa hē i oti ai rā hāpī. Te kona e kī era “Taꞌa meꞌe mo aŋa” (H), he hāꞌūꞌū atu mo haꞌamata mo aŋa i te meꞌe ka hāpī atu era e te Pipiria. ꞌI te kona e kī era “Mo rara mo oho” (I), he ravaꞌa koe i te vīdeo ꞌe tētahi atu meꞌe mo taiꞌo ōꞌou.
Te meꞌe mo hāpī
|
Tumu Hāpī 2 |
Tumu Hāpī 3 |
Tumu Hāpī 4 |
Mo ꞌata ꞌite |
Pē hē ana ravaꞌa i te kupu vānaŋa ꞌi ruŋa i te Pipiria
Te Pipiria ko aŋa ꞌā hai 66 puka, ꞌe ko vahi ꞌā: Te puka pāpaꞌi hai ꞌarero ꞌevereoarameo ꞌe te puka pāpaꞌi hai ꞌarero griego. E ai rō ꞌana te taŋata e aŋi-aŋi ena i te ŋā puka nei he Antiguo Testamento ꞌe he Nuevo Testamento.
ꞌI te hora e eꞌa ena ꞌi ruŋa i te puka nei te kupu vānaŋa o te Pipiria, te meꞌe raꞌe e hāꞌaki ena he ꞌīŋoa o te puka (A), te nūmera raꞌe he kī atu te kau mo kimi (B), ꞌe te nūmera riki-riki he kī atu i te kupu vānaŋa mo taiꞌo (C).
Mo haꞌaauraꞌa atu, mo takeꞌa e koe e kī rō ꞌā Iovani 17:3, ka kimi i te puka o Iovani, i te kau 17, i te kupu vānaŋa 3.