HĀPĪ 04
¿Ko ai te ꞌAtua?
Mai te hora haꞌamata era ꞌā o te taŋata ꞌi ruŋa i te ao nei, i haꞌamuri rō ki te rauhuru ꞌatua. Te Pipiria e vānaŋa rō ꞌā o ruŋa i te ꞌAtua e tahi ꞌata nui-nui ki tētahi ꞌatua (2 Crónicas 2:5). ¿Ko ai rā ꞌAtua? ¿ꞌO te aha ko ia mau nō te ꞌAtua ꞌata nui-nui ki tētahi ꞌatua? ꞌI ruŋa i te hāpī nei he aŋi-aŋi koe he aha te meꞌe haŋa o te ꞌAtua mo aŋi-aŋi ōꞌou o ruŋa i a ia.
1. ¿Ko ai te ꞌīŋoa o te ꞌAtua, ꞌe pē hē tātou e ꞌite nei ko haŋa ꞌā a ia mo aŋi-aŋi tātou i tōꞌona ꞌīŋoa?
Te ꞌAtua e haka aŋi-aŋi rō mai ꞌā i tōꞌona ꞌīŋoa. ꞌI ruŋa i te Pipiria a ia e kī rō ꞌā: “Ko Iehoha au. ꞌĪ tōꞌoku ꞌīŋoa” (ka taiꞌo Isaías 42:5, 8). Te ꞌīŋoa nei ko Iehoha ko huri ꞌā mai te ꞌarero ꞌevereo; te haꞌaauraꞌa, “ꞌāꞌana te aŋa mo tuꞌu”. Ko haŋa ꞌā a Iehoha mo ꞌite o tātou i tōꞌona ꞌīŋoa (Éxodo 3:15). ¿ꞌO te aha tātou e ꞌite nei pē ira mau ꞌā? ꞌO te ai ꞌi ruŋa i te Pipiria ko haka pāpaꞌi ꞌā e ia a ruŋa ki te 7.000 pāpaꞌi iŋa o tōꞌona ꞌīŋoa. a Te ꞌīŋoa nei ko Iehoha ꞌāꞌana mau nō, te “ꞌAtua mau o ruŋa ꞌi te raŋi ꞌe o ruŋa i te henua” (Deuteronomio 4:39).
2. ¿He aha te meꞌe haka aŋi-aŋi mai e te Pipiria o ruŋa o Iehoha?
Te Pipiria e kī rō ꞌā, ꞌi roto i te rahi o te ꞌatua e haꞌamuri era e te taŋata, ko Iehoha nō te ꞌAtua parautiꞌa, ¿ꞌo te aha e kī ena pē ira? Meꞌe rahi nō te meꞌe mo kī atu ꞌo te aha. I a Iehoha te parau mau o te meꞌe taꞌatoꞌa, ko ia mau nō “te ꞌAtua ꞌata ruŋa nui o te ao taꞌatoꞌa” (ka taiꞌo Salmo 83:18). Ko ia te ꞌAtua Mana Pūai, te haꞌaauraꞌa, i a ia te pūai mo aŋa i te meꞌe taꞌatoꞌa haŋa era ꞌāꞌana mo aŋa. ꞌĀꞌana paꞌi, “i aŋa i te meꞌe taꞌatoꞌa”, te ao ꞌe te meꞌe taꞌatoꞌa era ꞌi ruŋa i te henua (Meꞌe Haka Takeꞌa 4:8, 11). A Iehoha e topa kē rō ꞌā ꞌi te meꞌe era ꞌina ōꞌona haꞌamata ꞌe ꞌina ōꞌona hopeꞌa (Salmo 90:2).
MO MAꞌA TUꞌU ꞌITE
Ka uꞌi ꞌo te aha e topa kē ena te vānaŋa ena he ꞌAtua ki tōꞌona ꞌīŋoa mau era. Ki oti, ka hāpī pē hē ꞌe ꞌo te aha i haka ꞌite mai ai i tōꞌona ꞌīŋoa.
3. Rahi nō te ꞌīŋoa e raŋi ena e te taŋata ki te ꞌAtua, nō atu rā meꞌe, e tahi nō ōꞌona ꞌīŋoa mau
Mo ꞌite ꞌo te aha e topa kē ena te aŋa o te taŋata e tahi ki tōꞌona ꞌīŋoa, ka mataꞌitaꞌi te VĪDEO ꞌe ꞌai ka vānaŋa rō kōrua o ruŋa i te meꞌe nei:
-
¿Pē hē e topa kē ena te vānaŋa ena he ꞌAtua ki tōꞌona ꞌīŋoa?
Meꞌe rahi nō atu ꞌatua e haꞌamuri ena te taŋata e kī ena e te Pipiria. Ka taiꞌo Salmo 136:1-3 ꞌe ꞌai ka vānaŋa rō kōrua o ruŋa i te meꞌe nei:
-
¿Ko ai “te ꞌAtua o tētahi ꞌatua” ꞌe ko ai “te Kape o tētahi kape”?
4. Ko haŋa ꞌā a Iehoha mo aŋi-aŋi ōꞌou i tōꞌona ꞌīŋoa ꞌe mo raŋi ki a ia pē ira
¿Pē hē tātou e ꞌite nei ko haŋa ꞌā a Iehoha mo raŋi ki a ia hai tōꞌona ꞌīŋoa? Ka mataꞌitaꞌi te VĪDEO ꞌe ꞌai ka vānaŋa rō kōrua o ruŋa i te meꞌe nei:
-
Ki tuꞌu manaꞌu, ¿ko haŋa ꞌā a Iehoha mo ꞌite tātou i tōꞌona ꞌīŋoa? ¿ꞌO te aha e haŋa ena?
A Iehoha ko haŋa ꞌā mo ꞌite tahi e te taŋata i tōꞌona ꞌīŋoa. Ka taiꞌo Rōmano 10:13 ꞌe ꞌai ka vānaŋa rō kōrua o ruŋa i te ŋā meꞌe nei:
-
¿ꞌO te aha he meꞌe nui-nui mo raŋi ki te ꞌAtua hai tōꞌona ꞌīŋoa ko Iehoha?
-
¿Pē hē koe e haŋa ena mo raŋi atu ki a koe? ¿Hai tuꞌu ꞌīŋoa ꞌo hai vānaŋa tahaŋa nō e tahi?
-
¿He aha te meꞌe ŋaroꞌa e Iehoha ꞌi te hora e raŋi ena koe i tōꞌona ꞌīŋoa?
5. Ko haŋa ꞌā a Iehoha mo hāhine koe ki a ia
Te viꞌe e tahi o Camboya, te ꞌīŋoa ko Soten, ko kī ꞌā te aŋi-aŋi i te ꞌīŋoa o te ꞌAtua, he meꞌe hopeꞌa o te riva-riva mo piri atu. Ka mataꞌitaꞌi te VĪDEO ꞌe ꞌai ka vānaŋa rō kōrua o ruŋa i te meꞌe nei:
-
ꞌI ruŋa i te vīdeo mataꞌitaꞌi iho ena, ¿pē hē i hāꞌūꞌū ai ki a Soten te ꞌite i te ꞌīŋoa o te ꞌAtua?
Mo riro ōꞌou he repahoa o te kope e tahi, te meꞌe raꞌe ōꞌou mo ꞌite he ꞌīŋoa ōꞌona. Ka taiꞌo Tanatiako 4:8a ꞌe ꞌai ka vānaŋa rō kōrua o ruŋa i te ŋā meꞌe nei:
-
¿He aha te meꞌe haŋa a Iehoha mo aŋa ōꞌou?
-
Te ꞌite ꞌe te kī i te ꞌīŋoa o te ꞌAtua, ¿e hāꞌūꞌū rō atu mo hāhine koe ki a ia?
HE AHA TAꞌA MEꞌE MO PĀHONO MO KĪ ATU E TE NUꞌU: “¿Taꞌe ꞌō e tahi nō ꞌAtua? ꞌIna hoꞌi he ꞌati mo kī tētahi ꞌīŋoa”.
-
Ki tuꞌu manaꞌu, ¿ko Iehoha te ꞌīŋoa mau o te ꞌAtua?
-
¿Pē hē koe ana haka aŋi-aŋi ki te nuꞌu ko haŋa ꞌā te ꞌAtua mo raŋi mo kī i tōꞌona ꞌīŋoa?
TE MEꞌE MO AŊI-AŊI O RUŊA I TE HĀPĪ NEI
Ko Iehoha te ꞌīŋoa o te ꞌAtua mau. Ko haŋa ꞌā a ia mo ꞌite ꞌe mo raŋi tātou i tōꞌona ꞌīŋoa mo riva mo repahoa ōꞌona.
Mo taꞌe rehu
-
¿He aha a Iehoha e topa kē ena mai te tētahi ꞌatua haꞌamuri e te taŋata?
-
¿ꞌO te aha tātou ana raŋi te ꞌīŋoa o te ꞌAtua?
-
¿Pē hē tātou e ꞌite nei ko haŋa ꞌā a Iehoha mo hāhine tātou ki a ia?
MO RARA MO OHO
Ki uꞌi tātou ꞌo te aha e kī nei e ai rō ꞌā te ꞌAtua.
Ka rara ꞌo te aha he meꞌe tano mau ꞌā mo manaꞌu ꞌina he haꞌamata ꞌe ꞌina he hopeꞌa o te ꞌAtua.
Ka uꞌi ꞌo te aha tātou ana raŋi te ꞌīŋoa o te ꞌAtua nō atu te taꞌe ꞌite ꞌi ꞌaŋanīrā pē hē te kī haŋa mau ꞌi muꞌa ꞌā.
¿Ko tano mau ꞌā mo raŋi hai rua ꞌīŋoa ki te ꞌAtua? Ka uꞌi ꞌo te aha tātou e riva nei mo kī e ai rō ꞌā tōꞌona ꞌīŋoa mau.
a Mo ꞌata ꞌite koe o ruŋa i te haꞌaauraꞌa o te ꞌīŋoa o te ꞌAtua ꞌe ꞌo te aha e ai rō ꞌā te Pipiria ko haka kore ꞌā rā ꞌīŋoa, ka uꞌi te apéndice A4 ꞌi ruŋa i te Pipiria La Biblia. Traducción del Nuevo Mundo.
