HĀPĪ 05
Te Pipiria: He vānaŋa o te ꞌAtua mo tātou
Ko mahia mai ꞌā e Iehoha i te mahia hopeꞌa o te nui-nui: He 66 puka ꞌiti-ꞌiti ꞌe ko haka piri tahi ꞌā ꞌi ruŋa i te puka e tahi, he Pipiria. Koiꞌite nā koe e manaꞌu mai ena: “¿Mai hē te Pipiria i oho mai ai? ¿ꞌA ꞌai te manaꞌu pāpaꞌi era ꞌi ruŋa?”. Mo ꞌite tātou i te pāhono ki te ŋā ꞌui nei, ki uꞌi he raꞌe pē hē te vānaŋa o te ꞌAtua i tuꞌu mai ai ki a tātou ꞌi ꞌaŋanīrā.
1. Mo ai o te taŋata i pāpaꞌi i te Pipiria, ¿ꞌo te aha e kī ena o te ꞌAtua te puka nei?
E 40 taŋata i pāpaꞌi ai i te Pipiria ꞌe a ruŋa ki te 1.600 matahiti i pāpaꞌi i oho ai, mai te matahiti 1513 A.C. ki te matahiti 98 D.C. Te nuꞌu pāpaꞌi era, huru kē huru kē te rāua aŋa, i ai rō te taote, te ꞌariki, pē ira ꞌā te kope hāpaꞌo māmoe, te nuꞌu veve ꞌe te nuꞌu ꞌono. Nō atu te rahi o te taŋata i pāpaꞌi i te puka nei, ko tū manaꞌu ꞌā i pāpaꞌi ai ananake mai te pūꞌoko ki te hiku, ¿pē hē i haka tano ai ananake ko tū manaꞌu ꞌā, nō atu te taꞌe māhani ꞌi roto i a rāua? ꞌO te ai o te ꞌAtua te manaꞌu pāpaꞌi era ꞌi ruŋa (ka taiꞌo 1 Tētārōnika 2:13). Te taŋata pāpaꞌi era i te Pipiria taꞌe he manaꞌu o rāua te meꞌe i pāpaꞌi, ꞌi te meꞌe era a rāua, “ꞌina kai vānaŋa hai manaꞌu taŋata; i vānaŋa ai hai manaꞌu o te ꞌAtua, ꞌe o te Vārua Maitai i haka vānaŋa” (2 Pētero 1:21). a Hai tōꞌona vārua maitai, te ꞌAtua i haka pāpaꞌi ai tōꞌona manaꞌu ki tū ŋā taŋata era (2 Timoteo 3:16).
2. ¿E riva nō te taŋata taꞌatoꞌa mo ravaꞌa i te Pipiria?
Te taŋata “o te taꞌatoꞌa nō hau, ꞌarero ꞌe kona o te ao” e riva rō ꞌā mo taiꞌo i te parau ꞌāpī riva-riva pāpaꞌi era ꞌi ruŋa i te Pipiria (ka taiꞌo Meꞌe Haka Takeꞌa 14:6). O te ꞌAtua te aŋa mo huri i te Pipiria ki te rauhuru ꞌarero; ꞌo ira, o te puka taꞌatoꞌa pāpaꞌi era e te taŋata, ko te puka nei te puka e ꞌata huri ena. Te rahi o te taŋata e riva rō ꞌā mo ravaꞌa i te Pipiria hai rāua ꞌarero, nō atu te kona noho o rāua.
3. ¿He aha te meꞌe a Iehoha i aŋa mo hāpaꞌo i te Pipiria?
I pāpaꞌi era te Pipiria ꞌi muꞌa ꞌā, ꞌi ruŋa i te meꞌe era e ko hini he rake-rake i pāpaꞌi ai, pa he kiri māmoe, kiri puaꞌa, ꞌe pē ira ꞌā ꞌi ruŋa i te meꞌe era he papiro. Te taŋata haŋa era ki te vānaŋa o te ꞌAtua pē rā ꞌā e pāpaꞌi era i tāꞌana vānaŋa ꞌo ŋaro. I ai rō te taŋata hōnui haŋa mo haka kore i te Pipiria, pē ira ꞌā i ai rō te taŋata haŋa mo hāpaꞌo i te vānaŋa o te ꞌAtua nō atu te tute i a rāua mo tiŋaꞌi mo mate. ꞌIna e tahi taŋata ꞌe ꞌina e tahi meꞌe mo haka noho i a Iehoha mo vānaŋa mai ki a tātou. Te Pipiria e kī rō ꞌā: “Te vānaŋa o te ꞌAtua he noho he oho ki te hopeꞌa raꞌa” (Isaías 40:8).
MO MAꞌA TUꞌU ꞌITE
Ki uꞌi tātou he aha te meꞌe i aŋa e te ꞌAtua mo pāpaꞌi te taŋata i tōꞌona manaꞌu ꞌi ruŋa i te Pipiria. Ki uꞌi takoꞌa tātou, he aha te meꞌe i aŋa e te ꞌAtua mo ravaꞌa e te taŋata taꞌatoꞌa i tāꞌana vānaŋa ꞌe takoꞌa he aha te meꞌe i aŋa mo taꞌe ŋaro.
4. O te Pipiria mau ꞌā te kī mai o ꞌai te manaꞌu pāpaꞌi era ꞌi ruŋa
Ka mataꞌitaꞌi te VĪDEO. Ki oti ka taiꞌo 2 Timoteo 3:16 ꞌe ꞌai ka vānaŋa rō kōrua o ruŋa i te ŋā meꞌe nei:
-
Mo ai o te taŋata i pāpaꞌi i te Pipiria, ¿ꞌo te aha e kī ena he vānaŋa o te ꞌAtua?
-
Ki taꞌa kī, ¿e tano rō ꞌā mo manaꞌu o te ꞌAtua i haka aŋi-aŋi i tōꞌona manaꞌu ki tū ŋā taŋata pāpaꞌi era i te Pipiria?
Nō atu o te tāvini te pāpaꞌi i te parau, o te kape te kī he aha he aha te meꞌe mo pāpaꞌi. Pē ira ꞌā te Pipiria, nō atu o te taŋata i pāpaꞌi, te meꞌe pāpaꞌi era he manaꞌu o te ꞌAtua.
5. Nō atu te haŋa o te taŋata mo haka kore i te Pipiria ꞌina kai ravaꞌa
Mo ai o te ꞌAtua te Pipiria, māꞌana ia e hāpaꞌo ꞌo ŋaro. Mai muꞌa ꞌā rahi nō atu te pūꞌoko haka tere i haŋa mo haka kore i te Pipiria. Pē ira ꞌā, i ai rō te pūꞌoko haka tere o te rauhuru hare pure ꞌina he haꞌatiꞌa mo taiꞌo i te Pipiria ki te rāua taŋata. Nō atu te tute i te taŋata mo tiŋaꞌi i a rāua, i ai rō te taŋata haŋa mo hāpaꞌo riva-riva i te Pipiria ꞌo ŋaro. ¿Haŋa rō koe mo ꞌite o ruŋa i te taŋata e tahi i haka tere ai pē ira? Ka mataꞌitaꞌi te VĪDEO ꞌe ꞌai ka vānaŋa rō kōrua o ruŋa i te meꞌe nei:
-
Hai meꞌe mataꞌitaꞌi iho nei, ¿pē hē koe e uꞌi ena i te Pipiria ꞌi te hora nei ꞌe ꞌo te aha?
Ka taiꞌo Salmo 119:97 ꞌe ꞌai ka vānaŋa rō kōrua o ruŋa i te meꞌe nei:
-
¿ꞌO te aha te taŋata e haŋa era mo huri i te Pipiria ꞌe pē ira ꞌā mo tuhaꞌa, nō atu te tute i a rāua mo tiŋaꞌi?
6. He puka mo te taꞌatoꞌa taŋata
O te taꞌatoꞌa puka pāpaꞌi era e te taŋata mai te hora raꞌe era, ko te Pipiria te puka ꞌata tuhaꞌa ꞌe ꞌata huri ki te rauhuru ꞌarero. Ka taiꞌo Aŋa o te ꞌĀpōtoro 10:34, 35 ꞌe ꞌai ka vānaŋa rō kōrua o ruŋa i te ŋā meꞌe nei:
-
¿ꞌO te aha te ꞌAtua e haŋa ena mo huri i tāꞌana vānaŋa ki te rauhuru ꞌarero ꞌe mo tuhaꞌa mo ravaꞌa e te taꞌatoꞌa taŋata?
-
¿ꞌO te aha e topa kē ena te Pipiria mai tētahi puka?
Te taŋata e riva ena mo taiꞌo i te Pipiria hai rāua ꞌarero ko hāhine ꞌā ki te
100%
o te taŋata
o te ao taꞌatoꞌa
A ruŋa ki te
3.000
ꞌarero i huri ai.
Kē puka o te Pipiria ko huri tahi ꞌā ꞌe kē puka ꞌina
5.000.000.000
te puka i tāpura.
Mai muꞌa ꞌā ko te puka nei te puka i ꞌata tāpura ki te puka taꞌatoꞌa
HE AHA TAꞌA MEꞌE MO PĀHONO MO KĪ ATU E TE NUꞌU: “Te Pipiria he puka tuai nō e tahi”.
-
¿Pē hē ki tuꞌu manaꞌu te vānaŋa nei?
-
¿Pē hē tātou e ꞌite nei te Pipiria he vānaŋa mau ꞌā o te ꞌAtua?
TE MEꞌE MO AŊI-AŊI O RUŊA I TE HĀPĪ NEI
Te Pipiria he vānaŋa o te ꞌAtua ꞌe ꞌāꞌana i hāpaꞌo mo riva mo ravaꞌa e te taŋata taꞌatoꞌa.
Mo taꞌe rehu
-
¿ꞌO te aha he meꞌe tano mau ꞌā mo kī o te ꞌAtua i haka pāpaꞌi i tāꞌana vānaŋa ki te taŋata?
-
O ruŋa i te tuhaꞌa, te hāpaꞌo ꞌe te huri iŋa o te Pipiria, ¿he aha taꞌa meꞌe manaꞌu o ruŋa?
-
¿He aha taꞌa meꞌe ŋaroꞌa ꞌi te hora nei e ꞌite ena koe te meꞌe i aŋa e Iehoha mo hāhine atu?
MO RARA MO OHO
Ka taiꞌo pē hē te Pipiria i tuꞌu mai ai ki a tātou, mai te hora haꞌamata era i te pāpaꞌi ki ꞌaŋanīrā.
Ka hāpī pē hē i hāpaꞌo ai te Pipiria nō atu te meꞌe e toru i aŋa mo haka kore.
“La Biblia. Una historia de supervivencia” (La Atalaya, núm. 4 2016)
Ka uꞌi he aha te kuꞌi-kuꞌi i piri ki te ŋā nuꞌu huri era i te Pipiria.
Nō atu te rahi o te Pipiria e huri mai ena ꞌe e tāpura mai ena, ¿pē hē koe e ꞌite riva-riva ena, te meꞌe pāpaꞌi era ꞌi muꞌa ꞌā ko tū meꞌe ꞌā ki te meꞌe e taiꞌo ena e koe ꞌi ꞌaŋanīrā?
“¿Se ha cambiado o manipulado la Biblia?” (Artículo de jw.org)