“[O te Tātane] te haka tere i te ao nei” (1 Iovani 5:19).

“ꞌE te Poki o te ꞌAtua i oho mai ai mo te meꞌe mau nei ꞌā: mo haka kore i te meꞌe aŋa [o te Tātane]” (1 Iovani 3:8).

He aŋi-aŋi i te tumu mau o te ꞌati e tere nei ꞌi ruŋa i te ao (Meꞌe Haka Takeꞌa [Apocalipsis] 12:12).

He ai te rāveꞌa mo tiaki ki te ao riva-riva e tahi (1 Iovani 2:17).

ꞌĒ-ē, ꞌī he tapa atu e toru parautiꞌa:

• Te haka tere o te Tātane nā he haka kore. A Iehoha ko haŋa riva-riva ꞌā mo haka kore te haka tere o te Tātane mai ruŋa i te ao. Takoꞌa ko kī ꞌā nā he haka kore i te Tātane ꞌe he haka ꞌāpī haka ꞌou i te meꞌe rake-rake aŋa era e ia (ꞌEvereo 2:14).

• Ko Ietū te ꞌariki vae e te ꞌAtua. A Ietū e topa kē nō ꞌā tōꞌona huru mai te huru rake-rake ꞌe amahiŋo o te kope haka tere i te ao ꞌi ꞌaŋanīrā. Nā te ꞌAtua ko kī mai ꞌā o ruŋa o te haka tere o Ietū: He haka ꞌaroha i te ꞌōtare ꞌe i te veve. He hāpaꞌo te rāua ora iŋa mai te nuꞌu rake-rake haŋa mo tōtōā i a rāua (Salmo 72:13, 14).

• Te ꞌAtua e ko reo-reo ki te hora hopeꞌa. Te Puka o te ꞌAtua e kī rō ꞌā taꞌe mai te ꞌAtua te reo-reo (ꞌEvereo 6:18). ꞌO ira mo kī a Iehoha e tahi meꞌe, he ꞌite rō ꞌai koe pē ira mau ꞌā (Isaías 55:10, 11). E kī era e ia he tute i te Tātane mai te ao, pē ira mau ꞌā ka aŋa ena (Iovani 12:31).