“¡Te koa mau tāꞌau i te nuꞌu ŋaroꞌa ꞌe haꞌatura i te vānaŋa o te ꞌAtua!” (Ruka 11:28).

Te here mau (Ēfeto 5:28, 29).

Te moꞌa parautiꞌa (Ēfeto 5:33).

E ko riꞌa-riꞌa o haꞌataꞌa rō (Marko 10:6-9).

ꞌĒ-ē, ꞌī he tapa atu e rua parautiꞌa:

• O te ꞌAtua te huaꞌai i aŋa. Te Puka o te ꞌAtua e kī rō ꞌā ꞌāꞌana i nape te ꞌīŋoa o te huaꞌai taꞌatoꞌa o ruŋa i te raŋi ꞌe o ruŋa i te henua. Mo haꞌaauraꞌa atu, te huaꞌai taꞌatoꞌa nā e tere ena ꞌi ruŋa i te henua ꞌo te ai a Iehoha i aŋa (Ēfeto 3:14, 15). ¿ꞌO te aha tātou ana kī he aŋi ꞌā te vānaŋa nei?

  Ka manaꞌu ꞌiti-ꞌiti rā: mo ai e kai ꞌā koe i te kai hopeꞌa o te nene, he pohe koe mo ꞌite pē hē ꞌe hai aha i tunu ai, ¿ki a ai koe ana ꞌui? Ki te kope tunu era i nei kai.

  Pē ira ꞌā, mo haŋa koe mo ꞌite pē hē tuꞌu huaꞌai ana ravaꞌa i te koa mau, te meꞌe hopeꞌa o te riva-riva e ꞌui ki a Iehoha ꞌo te ai ꞌāꞌana te huaꞌai i aŋa (Génesis 2:18-24).

• E tapa rō ꞌā tātou e te ꞌAtua. He meꞌe mārama-rama a koe koia ko tuꞌu huaꞌai, mo kimi ꞌi ruŋa i te Puka o te ꞌAtua te roŋo riva-riva, ꞌo te ai a ia e tapa rō ꞌā i a tātou (1 Pētero 5:6, 7). He meꞌe riva-riva nō te meꞌe haŋa a Iehoha mo tātou ꞌe tāꞌana roŋo ꞌina he hape (Proverbios 3:5, 6; Isaías 48:17, 18).