Te vaitata ra ainei te burnout i te tupu kia koe? Me koia ia, ka tauturu teia atikara ia koe!

•  Eaa i tupu ei te reira

•  Eaa koe ka manata ei

•  Taau ka rave

•  Ta toou au oa i karanga

•   Oparaia. “I te oraanga,” i na te tamaine mapu ko Julie ei, “oparaia matou, kia meitaki atu, kia meitaki ua atu rai, e itae i te au akakoroanga teitei e kia meitaki ua atu rai ta matou apii. E ākā opara anga tikai teia!”

•   Tekenoroti. Tei “runga” tatou, 24/7 i te au smartphone, te au tablet, e te au apinga apaipai—tupu mai te stress, tupu atura te burn-out.

•   Rava kore te moe. “I rotopu i te apii, te angaanga e te tarekareka, maata te au mapu e ara vave ana e te moe ra i te roa anga po, piritiaia ratou ki roto i teia oraanga,” i na te tamaine mapu ko Miranda ei. Ka akatupu teia i te burnout.

 Akameitaki te Pipiria i te angaanga pakari. (Maseli 6:​6-8; Roma 12:11) Inara kare te reira e mareka ana i te oraanga angaanga ua​—ka akatupu te reira i te roiroi e te maki.

 “I tetai atianga, ngaropoina iaku te kaikai no te mea kua pou ua toku manako ki runga i taku au apainga. Kite mai au, kare i te mea meitaki kia āriki ua i tetai angaanga​—mei te mea ka akatupu te reira i te roiroi e te maki.”​—Ashley.

 No reira te Pipiria i karanga ai: “E ngari ake to te puaka-aoa kia ora ra i to te liona kia mate.” (Koheleta 9:4) Na te opara anga ia koe uaorai penei ka manako koe e e maroiroi toou mei to te riona rai​—no tetai manga tuatau. Inara me tupu te burnout ka takinokino te reira i toou kopapa.

•   E karanga, kare. Karanga te Pipiria: “Tei te aronga akaaka ra te pakari.” (Maseli 11:2) Kite te aronga akaaka i to ratou kotinga, kare ra ratou e āriki i te angaanga kare e rauka ia ratou.

   “Ka tupu te burnout ki te tangata kare aia e tae i te karanga, kare, e tangata rave ua aia i te angaanga. Kare teia i te tu akaaka. Kare e roa ka akatupu teia i te burnout.”​—Jordan.

•   Akangaroi meitaki. Karanga te Pipiria: “E ngari ake te rima, okotai kia ki i te manga ma te au i nga rima katoa e rua kia ki ma te pekapeka e te kai i te matangi ra.” (Koheleta 4:6) Kapikiia te moe i teianei e ko te “kai na te roro,” inara e maata te au mapu kare e rava ana te moe, mei te varu ki te tai ngauru ora i te po.

   “Me maata taku angaanga ka rave, kare e rava ana te moe. Me rauka okotai akaou ora no te moe, maroiroi au i taku angaanga, mataora rai au i tera mai rā.”​—Brooklyn.

•   Akapapa meitaki. Karanga te Pipiria: “Te kimianga o te aronga maroiroi ra, tei runga ïa i te apinga maata.” (Maseli 21:5) Me akapapa meitaki koe i toou taime e taau angaanga, ka meitaki toou oraanga.

   “Te maata anga o te stress taau i akatupu, ka kore te reira me e parani taau. Me e parani taau, ka māmā ia koe te akatanotano atu kia kore te burnout e tupu kia koe.”​—Vanessa.