•  Eaa toou manako ia koe?

•  Eaa i puapinga ai?

•  Taau ka rauka i te rave

•  Tatau kia maata atu te mārama

•  Ta toou au oa i karanga

•   Manako Papu

   “E tauta ua ana au i te akaari i te tu mataora e te oaoa i te au taime ravarai. Eaa te tumu ka kore ei au e akono i te oraanga mataora i te au rā?”—Valerie.

•   Manako Tarevake

   “Me tupu te meitaki, ka manako au e mea tarevake tetai—ka ngata iaku i te irinaki.”—Rebecca.

•   Manako Tau

   “Ka akatupu te manako papu i te maromaroa, e te taitaia i te manako tarevake. Ka tauturu te manako tau iaku kia āriki e ko teia te tu.”—Anna.

 Karanga te Pipiria e “kareka tei mataora te ngakau ra, e pokai tamou ïa tana.” (Maseli 15:15) I te akaraanga ko te aronga e kopae ana i te manako tarevake e te akara i te au mea meitaki o te oraanga, e aronga mataora ïa. E aronga oaoa. Koai ïa tangata ka varenga ki te aronga maromaroa e te manamanata?

 Noatu te reira, ka na roto rai te tangata i te oraanga taitaia. Ei akaraanga:

•   Ka taitaia koe no te au nuti o te tamaki, te takinga kino e te au angaanga kikino.

•   Ka taitaia koe i toou ngutuare.

•   Ka akakoromaki koe i toou turanga paruparu e te apikepike.

•   Ka mamae koe i te tuatua a toou oa.

 Kare e kopae i teia au mea—me kore ka akamou i toou manako ki runga i te manamanata—e aruaru i te akara i te reira ma te manako tau. Ka tauturu te reira ia koe kia kore e taitaia e kia āriki e ko teia te tu.

•   Akamou i te manako tau no toou tu apa ua.

   Karanga te Pipiria e: “Kare takiri e tangata tuatua-tika i te enua nei, ko tei rave i te tuatua meitaki i te au taime ravarai, e kare rava e ara.” (Koheleta 7:20, Good News Translation) Ko te tika e apa ua ana koe e ka tupu te tarevake, te akaari maira e e mea noa ua teia.

   Akaari ua rai i te manako tau: E aruaru kia kore e rave i te tarevake, inara e akaari ua rai i te manako tau. “E tauta ana au i te akakore i toku taitaia,” karanga ai te mapu ko Caleb. “Ka tamou mai au i te apiianga kia kore au e rave akaou i te reira.”

•   Kopae i te akaaite ia koe ki tetai ke.

   Karanga te Pipiria e: “Eiaa tatou e akateitei puapinga kore ua, i te akaongoongo anga tetai ki tetai, e te vareae anga tetai ki tetai.” (Galatia 5:26) Me akara koe i te au tutu i runga i te social media no te au tarekareka kare koe i patiia mai, ka tupu rai te vareae e te riri. Ka akariro te reira i toou au oa mou e au enemi noou.

   Akaari ua rai i te manako tau: Āriki i te tika e kare koe e pati uaia mai ki te au tarekareka anga. Pera katoa, ko taau e kite ra i runga i te social media kare ko te katoaanga o te tika. “Te akaari ua maira te social media i te au tuatau mataora o tetai tangata,” karanga ai te mapu ko Alexis. “Kareka ra i tetai atianga kare ratou e akaari mai.”

•   E akatupu i te ‘au—roto tikai i toou ngutuare.

   Karanga te Pipiria e: “Peneiake ko te tika, ko ta kotou ïa e aruaru e, kia noo au ua kotou i roto i te tangata katoa nei.” (Roma 12:18) Kare e rauka ia koe i te akatere i ta tetai ka rave, kareka taau ka rave ka rauka ia koe. Iki i te akatupu i te ‘au.

   Akaari ua rai i te manako tau: E iki i te akatupu i te ‘au kare i te manamanata, i roto i toou pirianga ki tetai. “Kare e tangata apa kore, ka tarevake tatou katoatoa e ka tupu te mamae ki tetai i te au taime ravarai,” karanga ai te mapu ko Melinda. “Ka iki tatou e ka akapeea me ariu ki te reira—na roto i te tu ‘au me kare ra.”

•   Kia mareka ua.

   Karanga te Pipiria e: “Kia mareka oki kotou.” (Kolosa 3:15) Akamou te vaerua mareka i toou manako ki runga i te au mea memeitaki i roto i toou oraanga kare ki runga i te au mea tarevake.

   Akaari ua rai i te manako tau: Āriki e ka tarevake koe, eiaa ra e akangaropoina i te au mea meitaki i roto i toou oraanga. “I te au rā tataki tai, ka tata au i te au mea meitaki tei tupu kiaku,” karanga ai te mapu ko Rebecca. “Inangaro au i te akamaara i te reira.”

•   Iki meitaki i toou au oa.

   Karanga te Pipiria e: “E kino te tuatua meitaki i te kapiti anga kikino ra.” (1 Korinetia 15:33) Me kapiti koe ki te aronga vaa kopekope, akakino, pekapeka, aere ua rai ka iri mai to ratou tu ki runga ia koe.

   Akaari ua rai i te manako tau: Ka tupu te manamanata ki toou au oa i tetai taime, e ka akataitaia te reira ia ratou. E tauturu ua atu ia ratou, inara auraka e akariro i to ratou manamanata e noou. “Eiaa e akariro i te aronga manako tarevake ei au oa noou,” karanga ai te mapu ko Michelle. “Akamanako ana, me kapiti atu koe kia ratou ka maata atu te kino.”

 Karanga te Pipiria e te noo nei tatou i te tuatau “ka tupu te kino maata.” (2 Timoteo 3:1) Te ngata ra ainei koe i te akaari i te manako papu i roto i teia ao maata te taitaia? E tatau i te apii “Eaa te Tumu i Maata ai te Taitaia?”