Eia Ingoa o te Atua?
Te pauanga a te Pipiria
Okotai ua ingoa o te Atua. I te reo Ebera kua tataia te reira e יהוה e ko “Iehova” i te reo Rarotonga. a Akakite te Atua na roto i tana peroveta ko Isaia: “Ko au ko Iehova; ko toku ïa ingoa.” (Isaia 42:8) Ka kiteaia teia ingoa e 7,000 taime i roto i te au tataanga taito o te Pipiria—e maata ua atu i tetai taoonga ke no te Atua, pera katoa te ingoa o tetai tangata ke. b
E ingoa ke ainei to Iehova?
Noatu e okotai ua ingoa no te Atua i roto i te Pipiria, e maata te au taoonga e te akatakaanga no runga iaia. I roto i te pia i raro mai, ko te au taoonga e te akatakaanga te akaari maira te au tu o Iehova.
Taoonga |
Irava |
Aiteanga |
|---|---|---|
Allah |
(Kare e irava) |
No roto mai i te reo Arapia, teia tuatua ko “Allah” kare i te ingoa mari ra e taoonga tona aiteanga “te Atua.” I roto i te au Pipiria reo Arapia e tetai ua atu au reo, e taangaangaia ana a “Allah” e ko “te Atua.” |
Mana Katoatoa |
E mana ririnui tona. Ka kiteaia te tuatua Epera ʼEl Shad·daiʹ, “Atua Mana Katoatoa,” e itu taime i roto i te Pipiria. |
|
Te Alepha e te Omega |
“Te momua e te akaopenga, ko to mua e ko to muri,” tona aiteanga kare e Atua Mana Katoatoa i angaia i mua ake ia Iehova e kare rai o muri ake iaia. (Isaia 43:10) Te Alepha e te omega, ko te reta mua e te reta openga i roto i te ara reta Ereni. |
|
To te Au Rā Taito |
Kare ona akamataanga; mei tupua roa mai aia e tuatau ua atu.—Salamo 90:2. |
|
Tei Anga |
Nana i anga i te au mea ravarai. |
|
Metua |
Koia te tumu o te ora. |
|
Atua |
Tau kia akamori iaia; Tei ririnui. Te akataka ra te tuatua Epera ʼElo·himʹ i to Iehova tu ngateitei, kakā, e te meitaki maata. |
|
Te Atu o te au atu |
Te Atua teitei, kare i aite ki te au “idolo” tei akamoriia e tetai pae.—Isaia 2:8. |
|
Orometua Maata |
Te oronga ra aia i te apiianga e te aratakianga puapinga.—Isaia 48:17, 18. |
|
Tei Anga |
Nana i anga i te au mea ravarai.—Apokalupo 4:11. |
|
Te Atua Mataora |
E tu rekareka e te mataora tona.—Salamo 104:31. |
|
Tei Akarongo i te pure |
Te akarongo ra aia ki te au pure a te aronga irinaki. |
|
Te Vai Nei Au, ko Au Rai e Vai Nei |
Ka riro mai aia i tei anoanoia kia akatupu i tona akakoroanga. Kua uriia teia “Ka Riro Mai Au i taku uaorai i mareka ra” me kore “Ka Riro Au i Taku Rai ka Akariro.” (The Emphasised Bible, by J. B. Rotherham; New World Translation) Te akamārama ra teia akatakaanga i te aiteanga o te ingoa ko Iehova i roto i te irava ka āru mai.—Exodo 3:15. |
|
Vareae |
I roto i te au urianga Pipiria ke, kua uriia “auraka oki koe e akamori i tetai atua ke” e te akamori iaia anake ua. |
|
Ariki mutukore |
Kare e akamataanga e kare e openga o tana tutaraanga. |
|
Atu |
Koia te akaaere me kore te pu; Reo Epera ʼA·dhohnʹ e te ʼAdho·nimʹ. |
|
Iehova Sabaota |
Koia te rangatira o te au nuku angera maata. Te taoonga “Iehova Sabaota” ka uri katoaia, ko Iehova e tona au nuku i te rangi.—Roma 9:29. |
|
Tei Teitei |
Koia tei teitei roa. |
|
Tei Tapu Roa |
Koia tei tapu (ma e te viivii kore) i tetai ua atu. |
|
Potera |
E mana akaaere tona i rungao i te tangata e te au pa enua, mei te potera e anga ra i te āriki karakaraea.—Roma 9:20, 21. |
|
Akaora |
Koia tei akaora me kore i oko i te tangata mei te ara e te mate na roto i te atinga oko o Iesu Karaiti.—Ioane 3:16. |
|
Mato |
Koia te punanga ketaketa e te ora. |
|
Akaora |
Nana e akaora i te tangata mei te kino e te mate. |
|
Tiaki |
Te akono ra aia i tona aronga akamori. |
|
Atu Ngateitei |
Nona anake te mana teitei; Reo Epera ʼAdho·naiʹ. |
|
Tei Teitei Roa |
Koia te tutara teitei roa atu. |
Te ingoa no te au ngai i roto i te Au Tuatua Tapu Epera
Kua tapaia tetai au ngai i roto i te Pipiria ki te ingoa o te Atua, kare ra teia i te au ingoa ke nona.
Ngai |
Irava |
Aiteanga |
|---|---|---|
Iehova-Ire |
“Tei ia Iehova te akara.” |
|
Iehova-nisi |
“Ko Iehova taku reva.” Te Atua ko Iehova, ka oro tona iti tangata kiaia no te paruruanga e te tauturu.—Exodo 17:13-16. |
|
Iehova-saloma |
“Ko Iehova te tumu o te au.” |
|
Iehova-sama |
Ezekiela 48:35, tataanga rikiriki i raro, American Standard Version |
“Tei Reirā Iehova.” |
Au tumu kia kite e kia taangaanga i te ingoa o te Atua
E mea puapinga ki te Atua tona ingoa ko Iehova no te mea kua tuku aia i te reira e tauatini ua atu taime i roto i te Pipiria.—Malaki 1:11.
Kua akakite putuputu te Tamaiti a te Atua ko Iesu i te puapinga o te ingoa o te Atua. Ei akaraanga, kua pure aia kia Iehova: “Kia tapu toou ingoa.”—Mataio 6:9; Ioane 17:6.
Te aronga tei kite e tei taangaanga i te ingoa o te Atua, te rave ra i te takainga mua no te akatupu i te pirianga oa kia Iehova. (Salamo 9:10; Malaki 3:16) Me rauka i teia pirianga, ka puapingaia ratou mei te taputou a te Atua: “No te mea te inangaro maira aia iaku, ka akaora au iaia: ka akateitei au iaia ki runga, no te mea te kite ra aia i toku ra ingoa.”—Salamo 91:14.
Karanga te Pipiria: “Vai ua rai oki te au mea e karangaia e e atua, tei te rangi ra, tei reira ïa; tei te enua nei, tei reira ïa; (e manganui oki te atua, e manganui oki te atu, mei te reira te tu.)” (1 Korinetia 8:5, 6) Noatu ra, taka meitaki te ingoa o te Atua mou, ko Iehova.—Salamo 83:18.
a E taangaanga ana tetai aronga tata Ebera ia “Yahweh” no te ingoa o te Atua.
b Ka kiteaia te ingoa poto o te Atua ko “Ia,” e 50 taime i roto i te Pipiria, tei roto katoa i te “Aleluia,” tona aiteanga “Akapaapaa kotou ia Iehova.”—Apokalupo 19:1, tataanga rikiriki i te pae.
Ka Reka Katoa Koe i Teia
ESSENTIAL BIBLE TEACHINGS
E Ingoa Ainei to te Atua?
E maata to te Atua taoonga, te Mana Katoatoa, Tei Anga Mai, e te Atua. Kua taikuia te ingoa o te Atua e 7,000 taime i roto i te Pipiria.
PAUANGA PIPIRIA
Ko Iesu Ainei te Ingoa o te Atua?
Kare rava a Iesu i karanga ana e ko te Atua Mana Katoatoa aia. Eaa ra?
AKAMĀRAMAIA TE AU IRAVA PIPIRIA
Akamāramaia a Isaia 42:8—“Ko Au te ATU”
Eaa te ingoa ta te Atua i iki nona uaorai?
NO RUNGA IA MATOU
Pati i Tetai Atoroanga
Uriuri i tetai uianga Pipiria, e e akara kia kite maata atu i te Au Kite o Iehova.