E mataku ana tatou i te mate, e ka kimi ravenga tatou i te paruru i to tatou oraanga. (1 Korinetia 15:26) Inara me irinaki tatou i te au manako tarevake no runga i te mate, ka riro tatou ei “tuikaa i te mataku i te mate, e ope ua ake to ratou ora anga.” (Ebera 2:​15) Ka akakore te tika no runga i te mate i to tatou mataku​—e mataku te ka apai ke i to tatou mataora no te oraanga.​—Ioane 8:​32.

Te tika no runga i te mate

•   Kare tei mate e kite eaa te tupu ra takapini iaia. (Salamo 146:4) Auraka e mataku e ka tamamaeia koe i muri ake i toou matenga, te akaaite ra te Pipiria i te mate ki te moe.​—Salamo 13:3; Ioane 11:11-​14.

•   Kare tei mate e takino mai ia tatou. Kare katoa e rauka i to tatou au enemi tei mate i te takino mai ia tatou. (Maseli 21:16) Karanga ra te Pipiria e, “to ratou riri, e to ratou vareae, kua kore anake ïa.”​—Koheleta 9:6.

•   Kare ko te mate to tatou openga. Na roto i te akatuakaouanga, ka akaora akaou mai te Atua i te au tangata tei mate ana.​—Ioane 5:​28, 29; Angaanga 24:15.

•   Taputou mai te Atua e a tetai rā, ka “kore rava te mate.” (Apokalupo 21:4) A tera rā karanga ra te Pipiria e: “Ka riro te enua no te aronga tuatua-tika, ka noo tamou rai ratou i reira” e kare ratou e mataku akaou i te mate.​—Salamo 37:29.