Kare. Kare te Pipiria i akakite mai ana e e kino te moni, e ko te reira te tumu o te au kino katoa. Te tuatua matauia ko te “moni te tumu o te au kino katoa” e taiku anga Pipiria tarevake e te pikikaa. Te akakite ra te Pipiria e ko “te anoano maata oki i te moni te tumu o te au kino katoa.” a—1 Timoteo 6:10, King James Version, na matou te kupu akatouiax.

•  Eaa ta te Pipiria e karanga ra no te moni?

•  Eaa ra te Pipiria i akamatakite ei i te anoano maata i te moni?

•  Akapeea tatou e puapingaia ai mei te akoanga Pipiria no te moni?

•  Au irava Pipiria no runga i te moni

 Akakite te Pipiria no te moni e me taangaanga meitakiia, ka riro ei mea puapinga e ei “akapuanga.” (Koheleta 7:12) Pera katoa, te akameitaki ra te Pipiria i te aronga tei akaari i te ngakau oronga ki tetai ke, te oronga i te apinga aroa mei te moni.—Maseli 11:25.

 I taua taime ra, te akamatakite maira te Pipiria eiaa e akariro i te moni ei mea maata i te oraanga. Te karanga ra: “Ei noo anga noinoi kore i te apinga to kotou; kia mareka i ta kotou i rauka ra.” (Ebera 13:5) Te apiianga koia oki kia akono i te moni ki tona ngai e eiaa e aruaru i te apinganui. Mari ra, kia mareka ua tatou i te au mea tei anoanoia mei te kai, te kakau e te ngai nooanga.—1 Timoteo 6:8.

 Kare e rauka i te aronga noinoi te oraanga mutu kore. (Ephesia 5:5) Tetai tumu, e akamorianga itoro te tu noinoi, me kore e akamoringa pikikaa. (Kolosa 3:5) E tetai katoa, ia ratou e aruaru ra i to ratou anoano, kare te aronga noinoi e aru i te au kaveinga meitaki. Ko te aronga “tei rapurapu ra i te akaputu i te apinga kia maata, kare e kore te ara,” i akakite ei a Maseli 28:20. Penei ka timataia ratou kia rave i te au kino, mei te blackmail, aru apinga, te pikipikikaa, te opu tangata, me kore te tā tangata.

 Noatu me kare te anoano i te moni e arataki atu i tetai ki te au tu kino, ka tupu rai tetai au tu kino. Karanga ra te Pipiria no te “aronga e māro e kia maata te apinga, e rokoia ïa e te timataanga, e te ereere, e te anoano neneva e manganui, e kino ei ra.”—1 Timoteo 6:9.

 Me akono tatou i te au turanga e te au kaveinga Pipiria no te moni, ka rauka ia tatou te tu ngateitei pera katoa, ka mareka e ka tauturu te Atua ia tatou. Ki te aronga tei tauta i te akamareka ia Iehova, te taputou maira aia: “Kare rava au e akaruke atu ia koe, kare oki au e taka ke ia koe.” (Ebera 13:5, 6) Te akapapu maira aia e “ko te tangata pikikaa kore ra, te maata ra tona meitaki.”—Maseli 28:20.