Ae. Ko te au Temoni “te au angela i rave i te ara,” e au vaerua ratou tei meameaau i te Atua. (2 Petero 2:4) Te angera mua tei riro mai ei temoni ko Satani te Tiaporo, e te kapiki ra te Pipiria iaia e ko te “demoni maata.”—Mataio 12:24, 26.

Meameaau i to Noa tuatau

 Kua tataia i roto i te Pipiria no runga i te akatupuanga tetai au angera i te meameaau i mua ake i te Vai Puke i to Noa tuatau: “Kua akara akera te tamariki a te Atua ra i te au tamaine a te tangata nei, e te purotu ra; kua rave iora ratou i ta ratou i anoano ra, ei vaine.” (Genese 6:2) Te au angera kino, kua “akaruke iora ra i to ratou nooanga tikai” i te rangi e kua taui ia ratou ei tangata kia rauka ia ratou te piri ki te au vaine o te enua nei.—Iuda 6.

 Te tupuanga te Vai Puke, kua akaruke te au angera kino i te enua nei e kua oki ki te rangi. Inara, kare te Atua i inangaro akaou ia ratou ei tamariki nana. Ei akautunga ia ratou, kare e rauka akaou i te au temoni te taui ia ratou ei tangata.—Ephesia 6:11, 12.