E Toru Tai Ainei te Atua?
Te pauanga a te Pipiria
Maata te au akonoanga Kerititiano e apii ra e Toru Tai te Atua. Inara, akara ana i ta te Encyclopædia Britannica i karanga: “Kare te tuatua Toru Tai, e kare katoa taua apiianga ra i roto i te Koreromotu Ou . . . I tupu marie ua mai taua apiianga ra i te au anere mataiti tei aereia e e maata katoa te au taumaroanga tei tupu mai no te reira.”
Ko te tika, kare rava te Atua o te Pipiria i akatakaia ana ei Atua Toru Tai. Ka akamanako ana i teia au irava Pipiria:
“Ko Iehova to tatou Atua, okotai Iehova.”—Deuteronomi 6:4.
“Ko Iehova toou ingoa, e ko koe anake Tei Teitei i te enua katoa nei.”—Salamo 83:18.
“Teia oki te ora mutu kore, kia kite ratou ia koe i te Atua mou ra, e ia Iesu i te Mesia, i taau i tono maira.”—Ioane 17:3.
“Okotai ra te Atua.”—Galatia 3:20.
Eaa te tumu i apii ei te au akonoanga Kerititiano e e Toru Tai te Atua?