Akapapu Maira Ainei te Totou no te Mesia e ko Iesu te Mesia?

AKATANGI

Te pauanga a te Pipiria

Ae. I te enua nei, e maata ta Iesu au totou i akatupu no runga i “te Mesia te Ariki,” te ka riro mai “ei Ora no to te ao.” (Daniela 9:25; 1 Ioane 4:14) E i muri ake i tona matenga, kua akatupu ua atu rai a Iesu i te au totou no runga i te Mesia.—Salamo 110:1; Angaanga 2:34-36.

Eaa te aiteanga o te ingoa “Mesia”?

Ko te tuatua Ebera Ma·shiʹach (Mesia) e te tuatua Ereni Khri·stos (Karaiti), to raua aiteanga “Tei Akatainuia.” No reira, te aiteanga o te ingoa “Iesu Karaiti” koia oki “Iesu Tei Akatainuia,” me kore “Iesu te Mesia.”

I te tuatau Pipiria, ka akatainuia tetai tangata na te riringi anga i te manongi ki runga i tona mimiti me ikiia aia ki runga i tetai taoonga mana teitei. (Levitiku 8:12; 1 Samuela 16:13) Kua iki te Atua e ko Iesu te Mesia—te taoonga mana teitei rava atu. (Angaanga 2:36) Inara, kare te Atua i akatainu ia Iesu ki te manongi, mari ra ki te vaerua tapu.—Mataio 3:16.

E maata ainei te tangata te ka akatupu i te au totou no te Mesia?

Kare. Mei te ira mangamanga rima te ka akataka mai e okotai tangata, koia katoa e okotai rai Mesia, me kore Karaiti te ka akatupu i te au totou Pipiria. Inara, akamatakite mai te Pipiria e “e au Mesia pikikaa oki te ka tu mai ki runga, e te peroveta pikikaa, e ka akakite mai i te akairo e te au ravenga mamaata; e tae ua atu te vare i te aronga i ikiia ra.”—Mataio 24:24.

Ka mama mai ainei te Mesia a te tuatau ki mua?

Kare. Totou te Pipiria e e uanga te Mesia no te Ariki ko Davida o Iseraela. (Salamo 89:3, 4) Inara, kua ngaro te au akapapaanga ui tupuna a te ngati Iuda e tae ua atu ki te tuatau o Davida, penei kua takoreia te reira te tamaki anga a Roma ia Ierusalema i te 70 T.N. a Mei te reira taime mai, kare e rauka i tetai tangata i te akapapu e no roto mai aia i te kopu Ariki o Davida. Noatu rai e kare e akapapaanga ui tupuna e vaira i to Iesu tuatau, kare i rauka ana i tona au enemi i te patoi i tana akakiteanga e e uanga aia no Davida.—Mataio 22:41-46.

Eia totou no te Mesia tei tataia i roto i te Pipiria?

Kare e rauka i te akapapu eia tikai au totou no te Mesia. Ei akaraanga, e tukeke te tu e tareia ana te au totou, e pera te au irava tei akataka meitakiia no te Mesia. E maata te au totou no te Mesia tei akakiteia i roto ia Isaia 53:2-7. Penei ka karanga tetai pae e ko teia au irava katoa e tai ïa totou, e penei ka karanga tetai pae ko te au akakiteanga tataki tai e au totou takake ïa.

Au totou no te Mesia tei akatupuia e Iesu

Totou	Roto Ia	Akatupuanga
Uanga o Aberahama	Genese 22:17, 18	Mataio 1:1
Uanga o te tamaiti a Aberahama ko Isaaka	Genese 17:19	Mataio 1:2
Anauia mei te kopu tangata o Iuda i Iseraela	Genese 49:10	Mataio 1:1, 3
Mei te uanga o te Ariki ko Davida	Isaia 9:6	Mataio 1:1
Na te paretenia e anau mai	Isaia 7:14	Mataio 1:18, 22, 23
Anauia i Betelehema	Mika 5:2	Mataio 2:1, 5, 6
Tapaia tona ingoa ko Imanuela b	Isaia 7:14	Mataio 1:21-23
Akamata anga akaaka	Isaia 53:2	Luka 2:7
Tamateia te tamariki i muri ake i tona anau anga	Ieremia 31:15	Mataio 2:16-18
Tikinaia te tamaiti i Aiphiti	Hosea 11:1	Mataio 2:13-15
Kapikiia e tangata Nazareta c	Isaia 11:1	Mataio 2:23
Ka na mua mai te tangata kave karere	Malaki 3:1	Mataio 11:7-10
Akatainuia ei Mesia i te 29 T.N. d	Daniela 9:25	Mataio 3:13-17
Akakite te Atua iaia ei Tamaiti Nana	Salamo 2:7	Angaanga 13:33, 34
Maroiroi no te are o te Atua	Salamo 69:9	Ioane 2:13-17
Tutu aere aia i te nuti meitaki	Isaia 61:1	Luka 4:16-21
Angaanga orometua i Galilea, tupu te mārama maata	Isaia 8:23; 9:1	Mataio 4:13-16
E tangata rave temeio mei ia Mose	Deuteronomi 18:15	Angaanga 2:22
Mei ia Mose, kua akakite aia i to te Atua au manako	Deuteronomi 18:18, 19	Ioane 12:49
Akaora i te maataanga i to ratou au maki	Isaia 53:4	Mataio 8:16, 17
Kare i arataki i te manako kiaia uaorai	Isaia 42:2	Mataio 12:17, 19
Akaari aia i te tu akaaroa no te aronga tei takinokinoia	Isaia 42:3	Mataio 12:9-20; Mareko 6:34
Akakite aia i ta te Atua tuatua tau	Isaia 42:1, 4	Mataio 12:17-20
E Tumu Korero Umere	Isaia 9:5, 6	Ioane 6:68
Akakite aia i te ingoa o Iehova	Salamo 22:22	Ioane 17:6
Tuatua i te au parapore	Salamo 78:2	Mataio 13:34, 35
E Arataki aia	Daniela 9:25	Mataio 23:10
Kare te maataanga e irinaki iaia	Isaia 53:1	Ioane 12:37, 38
Ei toka turorianga	Isaia 8:14, 15	Mataio 21:42-44
Kopaeia e te au tangata	Salamo 118:22, 23	Angaanga 4:10, 11
Makitakitaia e kare e tumu	Salamo 69:4	Ioane 15:24, 25
Tomo autu ki roto ia Ierusalema na runga i te asini	Zekaria 9:9	Mataio 21:4-9
Akameitakiia e te tamariki	Salamo 8:2	Mataio 21:15, 16
Aere mai aia ma te ingoa o Iehova	Salamo 118:26	Ioane 12:12, 13
Pikikaaia e tetai oa irinakiia	Salamo 41:9	Ioane 13:18
Pikikaaia no tetai 30 moni ario e	Zekaria 11:12, 13	Mataio 26:14-16; 27:3-10
Akaruke tona au oa iaia	Zekaria 13:7	Mataio 26:31, 56
Tapepe atu te au kite pikikaa iaia	Salamo 35:11	Mataio 26:59-61
Muteki ua aia i mua i te aronga akaapa	Isaia 53:7	Mataio 27:12-14
Tutuaia ki te uavare	Isaia 50:6	Mataio 26:67; 27:27, 30
Motoia tona mimiti	Mika 5:1	Mareko 15:19
Pāpāia aia	Isaia 50:6	Ioane 19:1
Kare i patoi i te aronga i pāpā iaia	Isaia 50:6	Ioane 18:22, 23
Kaitamaki atu te au arataki kavamani iaia	Salamo 2:2	Luka 23:10-12
Patiaia ki runga i te rakau tamamae na roto i tona rima e te vaevae	Salamo 22:16	Mataio 27:35; Ioane 20:25
Tuʼa keleroia tona kakau	Salamo 22:18	Ioane 19:23, 24
Kapitiia ki te aronga rave ara	Isaia 53:12	Mataio 27:38
Akakinoia, aviriia	Salamo 22:7, 8	Mataio 27:39-43
Takinokinoia no te ara a te tangata	Isaia 53:5, 6	1 Petero 2:23-25
Akaraanga e kua akarukeia e te Atua	Salamo 22:1	Mareko 15:34
Orongaia te vineka e te au kia inu	Salamo 69:21	Mataio 27:34
Kua kaki vai i mua ake ka mate ei	Salamo 22:15	Ioane 19:28, 29
Tuku i tona vaerua ki te Atua	Salamo 31:5	Luka 23:46
Oronga atu i tona ora	Isaia 53:12	Mareko 15:37
Oronga i te oko no te ara a te tangata	Isaia 53:12	Mataio 20:28
Kare e ivi i aatiia	Salamo 34:20	Ioane 19:31-33, 36
Ko ia ki te korare	Zekaria 12:10	Ioane 19:33-35, 37
Tanu kapitiia ki te aronga apinga nui	Isaia 53:9	Mataio 27:57-60
Akatuakaouia mai mei te mate	Salamo 16:10	Angaanga 2:29-31
Monoia te tangata pikikaa	Salamo 109:8	Angaanga 1:15-20
Akanooia ki te rima katau o te Atua	Salamo 110:1	Angaanga 2:34-36

a Akakite te McClintock and Strong’s Cyclopedia: “Kare e ekoko e kua takoreia te au retitaanga kopu tangata e te au akapapaanga ngutuare o te ngati Iuda i te tuatau i takoreia ai a Ierusalema, e kare i mua ake.”

b Te ingoa Imanuela i te reo Ebera, tona aiteanga “Te Atua ki o tatou nei,” te akataka maira i ta Iesu angaanga ei Mesia. Akapapu tona tae anga mai ki te enua e tana au angaanga e tei rotopu te Atua i te aronga te akamori ra Iaia.—Luka 2:27-32; 7:12-16.

c Ko te tuatua “Nazareta,” no roto mai ïa i te tuatua Ebera neʹtser, te aiteanga “tupu mai.”

d No tetai akakite anga no runga i te akapapaanga Pipiria no te tae anga mai o te Mesia i te 29 T.N., akara i te atikara “Akapeea ta Daniela Totou i te Akakite Anga i te Taenga Mai o te Mesia.”

e Tei roto teia totou i te puka o Zekaria, inara kua karanga te tata Pipiria ko Mataio e kua “tuatuaia e Ieremia peroveta ra.” (Mataio 27:9) Te akaraanga, e tukuia ana te puka o Ieremia i tetai taime ki roto i te tuanga o te au Irava tei kapikiia e ko “te au peroveta.” (Luka 24:44) Na te taangaanga anga ia “Ieremia,” te taiku ra a Mataio ki te au puka katoatoa, kapiti mai te puka o Zekaria.

Ka Reka Katoa Koe i Teia

E ARA!

https://cms-imgp.jw-cdn.org/img/p/502018132/univ/art/502018132_univ_sqr_xl.jpg

ijwbq atikara 146

Au Kite o Iehova

Akapapu Maira Ainei te Totou no te Mesia e ko Iesu te Mesia?

Te pauanga a te Pipiria

Eaa te aiteanga o te ingoa “Mesia”?

E maata ainei te tangata te ka akatupu i te au totou no te Mesia?

Ka mama mai ainei te Mesia a te tuatau ki mua?

Eia totou no te Mesia tei tataia i roto i te Pipiria?

Au totou no te Mesia tei akatupuia e Iesu

Ka Reka Katoa Koe i Teia

Akamārama Tetai Vaine Ngati Iuda i te Tumu i Akamanako Akaou ei Aia i Tona Akarongo

Tamata i ta Matou Apii Pipiria