“Ko au ko Iehova; ko toku ïa ingoa; kare au e oronga i toku ra kakā no tetai ke, e te akameitaki iaku ra no te au idolo akatikitikiia ra.”—Isaia 42:8, Te Bibilia Tapu Ra.

 “Ko au te ATU: ko toku ïa ingoa: kare au e oronga i toku kakā ki tetai ke, e te akapaapaa iaku no te au itoro akatikitikiia.”—Isaia 42:8, King James Version.

 Te akakite maira te Atua i tona ingoa e kare aia e oronga i tona kakā me kore te akamorianga ki te au itoro.

 Kua oronga te Atua i teia ingoa kiaia uaorai tei tataia i roto i te reo Rarotonga ko Iehova. a (Exodo 3:14, 15) Ka kitea te ingoa o te Atua e 7,000 taime i roto i te Koreromotu Taito (Tuatua Tapu Ebera-​Arama), inara kua mono te maataanga o te au urianga i teia ingoa (ki te reta mamaata) “ATU.” Tei roto ia Salamo 110:1 tetai akaraanga, te akakite maira no runga ia Iehova e Iesu. Te karanga ra te King James Version e: “Kua karanga atura te ATU [Iehova] ki toku Atu [Iesu].” (Angaanga 2:34-36) Kua akaatea te New World Translation i te tuke i rotopu i te nga tuatua “Atu” na te akaoki anga i te ingoa o te Atua ki tona ngai tikai. Te karanga ra te reira e: “Te tuatua a Iehova ki taku Atu: ‘E noo ki taku rima katau Kia akariro rava au i toou au enemi ei pange vaevae noou.’”

 Maata te aronga kite te irinaki ra e ko te aiteanga o te ingoa o te Atua “Ka Akatupu Aia.” Ko te Atua mou anake tei tau ki teia ingoa, na roto iaia me kore tana au mea i angaia i rauka ai iaia i te akatupu i tona akakoroanga.

 Ko Iehova anake ta tatou ka akamori, nana i Anga ia tatou e koia te Atua mou. Kare tatou e akamori i tetai tangata e tetai apinga, e kare katoa e akamori i te au itoro e te au tutu.—Exodo 20:2-6; 34:14; 1 Ioane 5:21.

 I roto i te au irava mua o Isaia pene 42, kua akakite mai a Iehova i te angaanga a “tei ikiia.” Akakite maira te Atua e, na teia tavini akaperepereia “e tuku atu i te tuatua-tau ki te au etene.” (Isaia 42:1) No taua taputou, karanga te Atua: “I na, kua tupu ïa te reira; e te akakite nei au i te tuatua ou: kare i tupu, te akakite atea nei au ia kotou i te reira.” (Isaia 42:9) E anere tuma mataiti i muri mai kua tupu teia totou no runga i “tei ikiia,” te tae anga mai te Mesia e te rave anga i tana angaanga tutu aere i te enua nei.—Mataio 3:16, 17; 12:15-21.

 “Ko au a Iehova, ko toku ingoa ïa; kare au e oronga i toku kakā no tetai ke, e te akapaapaa iaku no te au itoro akatikitikiia.”—The ‘Holy Scriptures,’ na J. N. Darby.

 “Ko au a Iehova; ko Toku ingoa ïa; kare au e oronga i Toku kakā ki tetai ke, e te akapaapaa Iaku no te au itoro akatikitikiia.”—A Literal Translation of the Bible.