Te maani nei te aronga maani robot i tetai apinga vavaʼi, kia rauka i te au taote i te vavaʼi i te au ngai e ngata i te itae i roto i te kopapa tangata. Na roto i teia ravenga, kua akakeuia ratou kia aru i te akaraanga umere o te kakave eke.

 Kia akamanako: Ka rauka i te eke i te opu mai, te mou piri, e te roromi i tetai apinga ki tona au kakave e varu, i roto tikai i te au ngai pipiri. Ka rauka i te eke i te takauri i tetai o tona au kakave, e ka akaketaketa atu i tetai.

 Irinaki te aronga kimikimi e e mea puapinga kia maani i tetai rima robot kia rauka i te vavaʼi i te au ngai ngata i te itae. Ka rauka i teia matini i te vavaʼi i te kopapa tangata.

 E akara i te eke e neke aere ra

 Kua maani takereia tetai rima robot ei vavaʼi i te kopapa tangata. Ka rauka i tetai tuanga ua o te 135-mirimita (5 ini.) o teia rima, i te mou e te tāki i tetai ua atu mero i roto i te kopapa tangata ma te kore e takino i te reira, e i taua taime ra, ka vavaʼi i te ngai e anoanoia ra. Karanga a Dr. Tommaso Ranzani, e mema no te pupu tei maani i teia matini e, “irinaki matou e ko te akamataanga teia, no te akameitaki atu i teia au apinga vavaʼi no te tuatau ki mua.”

 Eaa toou manako? E mea tupu ua ainei te kakave eke? Me e mea maaniia te reira?