No te ua maata i tupu ei te vaipuke i te au kauvai i Central Europe ia Tiunu 2013. I Hungary, vaitata rai kua taeria te katoaanga o te Kauvai Danube i te vaito teitei rava atu tei rekotiia.

No teia tumatetenga, pati te Hungarian Ministry of Human Resources i te tauturu o te Au Kite o Iehova kia tāpu i te vaipuke. Tei tupu, kua pati te opati Betela i te au putuputuanga o te pae Kauvai Danube kia tauturu i te aronga mana kia tāpu i te vaipuke.

E mea umere tikai te ariu atu anga te au putuputuanga. I te au rā i muri mai, tere atu i te 900 Kite mei te 72 putuputuanga tei tauturu i te arai i te kauvai. Kua patiia ratou kia aao i tetai kati kua tataia “Au Kite o Iehova,” pera katoa to ratou ingoa e te oire.

I tetai oire, kua tuku tetai mata no te Hungarian Red Cross i teia karere ki te putuputuanga: “Te akameitaki e te akangateitei nei matou ia kotou i te mea e kare e kitea teia tu taokotaianga e te puareinga ua i te tauturu—pera katoa te mamao i tae mai ei kotou! Te ngakau parau nei au i te akaari i to kotou akaraanga meitaki i teia oire!”

Ko te tiamana no tetai akaaereanga oronga tauturu, e e mema Paramani no Hungaria, kua tuku i tetai reta ki te opati Betela i te akameitaki i te Au Kite no ta ratou tauturu.