No te itu mataiti i teianei, kua rauka i te ngai neneianga o te Au Kite o Iehova te pepa akameitaki no te Clean Enterprise.

Ia Tepetema 26, 2012, kua oronga te kavamani o Mexico i te pepa akameitaki takake ki te Au Kite o Iehova “no [ta ratou] tautaanga kia akono e kia paruru i te ao rangi.”

Te porokaramu Clean Enterprise, te tauturu ra i te au akaaerenga kia rave i te angaanga ma te paruru i te ao rangi. E piri ana te Au Kite o Iehova ki teia porokaramu i te au mataiti ravarai, inara kare ta ratou akaaerenga e tutakiia ana. Akakite te vaa tuatua o te ngai neneianga i Mexico: “Te rauka anga te pepa akameitaki a te Clean Enterprise, kua anoanoia matou kia oronga i te akapapuanga e kua aru ta matou au ravenga e te mea e aere ra ki roto i te mareva i te akatereanga a te ao rangi no te itu tuanga: te reva, te vai, te repo o te oire, te tita poitini, te tua paruru, te uira, e te terenianga no te ao rangi. Kare te au akaaerenga i umuumuia kia piri ki roto i teia porokaramu. Kua iki ra matou i te piri atu ki roto.”

Takapini i teianei ao, te tauta ra te Au Kite o Iehova kia taporoporo i to tatou ao rangi akaperepereia i te enua nei.